- +77277540900
- +77002724204
- enkaz.kz@gmail.com
- 040400, Алматы облысы, Еңбекшіқазақ ауданы, Есік қаласы, Алматы көшесі, № 112.
Келелі кездесулер
Жақында ауданымызға ҚР Парламент Мәжілісінің депутаты, мемлекет және қоғам қайраткері Сауытбек Абдрахманов келіп, денсаулық сақтау, мәдениет және білім саласы қызметкерлерімен кездесті.
Аудан әкімдігінің кіші мәжіліс залында өткен жиынға аудан басшысы Бинәлі Әбдіқапасұлы, облыстық Достық үйінің директоры Тәңірберген Қасымберкебаев, аудан әкімінің бірінші орынбасары Айбек Бидаев, «Нұр Отан» партиясы аудандық филиал төрағасының бірінші орынбасары Қуат Байғоджаев, мектеп директорлары мен медицина қызметкерлері қатысты. Алғашқы болып сөз кезегін алған мәжілісмен жиылғандарды жаңа жылмен құттықтап, тарихи оқиғаларымен есте қалған ескі жылға тоқталып өтті.
– Өткен жыл мемлекетіміз үшін ерекше жыл болды. Елімізді осындай дәрежеге жеткізіп, дамуы жолында жетекші рөл атқарған Елбасы Н.Назарбаев өзінің өкілеттілігін тоқтатты. Осы тұста Нұрсұлтан Әбішұлының ұзақ жылдар бойы жүргізген жүйелі кадрлық саясаты өзінің жемісін беріп, Қасым-Жомарт Тоқаев Мемлекет басшысы болып сайланды. Елбасы Қасым-Жомарт Кемелұлын Мәскеуде қызмет етіп жүрген жерінен елге алып келіп, сыртқы істер министрінің орынбасары қызметіне тағайындады. Кейіннен, министр болып, үкіметті де басқарды. Сенаттың төрағасы болып абыройлы еңбек етіп, өзінің дипломатиялық қабілетінің арқасында Біріккен Ұлттар ұйымы бас хатшысының орынбасары қызметіне тағайындалды. Әлемдік саясатта тәжірибе жинақтаған ол елге оралып, сенатқа төрағалық етті. Президенттің міндетін атқарып, сайлауда айқын басымдықпен жеңіске жеткен Қасым-Жомарт Кемелұлы өткен жылда біршама игі істердің ұйытқысы бола білді – деген Сауытбек Абдрахманұлы қоғамдағы өзекті мәселелерді де тілге тиек етті.
– Биылғы жылдың жағымды жа-ңалықтарының бірі – көпбалалы отба-сыларға төленетін жәрдемақы. Жыл басынан бері отбасының табысына қарамастан төрт немесе одан да көп балалары бар отбасыларға бала санына қарай 42 500 теңгеден жоғары жәрдемақы төленеді. Меніңше, бұл өте дұрыс шешім. Себебі, Түркістан облысында атаулы көмектің көлемі көбейтілген кезде облыс бойынша ажырасу көрсеткіші екі есеге өскен. Әрине, мұның барлығы мемлекеттен берілетін көмекке қол жеткізу үшін істеліп отыр. Адамдар атаулы әлеуметтік көмекті алу үшін түрлі айла қолданып, табысын жасырды. Тіпті, сол үшін тұрақты жұмысынан шыққан азаматтар да жоқ емес. Алайда, осындай әрекеттердің басым бөлігі әшкере болды – деп, еңбектің наны тәтті екендігін жеткізді Сауытбек Абдрахманов.
Жиын барысында қоғамның өзекті мәселесі – латын әліпбиі де сөз болды. Мәжілісменнің айтуынша, латын әліпбиін зерттеп, жетілдіру Білім және ғылым министрлігі, оның ішінде, А.Байтұрсынұлы атындағы тіл зерттеу институты тұрғанда Мәдениет және спорт министрлігіне берілген. Негізгі себеп, сол кездегі Білім және ғылым министрі Ерлан Сағадиевтің қазақшаға шорқақтығы еді. Мұндағы фонетика, лексика, морфология сынды ғылыми мәселелер мәдениет пен спортты насихаттайтын мекемеге берілді. Осы күнге дейін үш нұсқасы ұсынылып, төртінші нұсқасы жасалу үстінде. Президенттің тапсырмасы бойынша, 2025 жылға дейін латын қарпіне ауысуымыз керек. Сондықтан ешқайда асығудың қажеті жоқ. Әлі де, әліпби бекітілген жоқ, жаңа нұсқа енгізілуі де ғажап емес. Осыны айтқан Сауытбек Абдрахманұлы латын әліпбиімен жазылған жер-су аттарының маңдайшалары әлі өзгертілуі мүмкін екендігін айтты.
Кездесу барысында ұлағат иелерінің де мәселесі көтерілді. Өткен жылдың тамыз кеңесінде Мемлекет басшысы ұстаздардың жалақысын алдағы төрт жылда екі есеге арттыруды тапсырған еді. Биыл жыл басынан ұлағат иелерінің айлығы 25 пайызға көтерілді.
Сауытбек Абдрахманов медицина саласында болып жатқан жаңалықтарға да тоқталып өтті. Жақында еліміз бойынша міндетті әлеуметтік медициналық сақтандыру іске қосылады. Қазіргі таңда Қарағанды облысында пилоттық жоба ретінде сынақтан өткізілуде. Сонымен қатар, көпшіліктің көкейінде жүрген вакцинация жайы да сөз болды. Сөзіне сүйенсек, былтырғы жылы екпе жасатудан бас тартатындар саны 2017 жылмен салыстырғанда 29,9 пайызға артқан. Ал оның 10 пайызы вакцинацияның сапасына сенімсіздік танытқан. Осыған орай, заңға өзгертулер енгізу көзделіп отыр. Заңдағы «балалар екпе алуға құқылы» деген тұсты «міндетті» деп ауыстыру мәселесі қарастырылуда.
Кездесу соңында аудан басшысы Бинәлі Әбдіқапасұлы ауданымыздағы білім мен денсаулық сақтау саласындағы жетістіктерге тоқталып, әлеуметтік мәселе оң шешімін тауып жатқандығын жеткізді. Қатысушылар сұрақтарын қойып, ұсыныстарын ортаға салды.
Т.Молдағалиев атындағы аудандық мәдениет үйінде өткен мәдениет саласының қызметкерлерімен кездесуде Сауытбек Абдрахманов ақын жерлесіміз жайлы естеліктерімен бөлісті. Қиын кезеңдерде Мәдениет министрінің орынбасары болған мәжілісмен сол тұста қиындықтарға төзіп, жалақы алмаса да мәдениетті сақтап қалған сала қызметкерлеріне алғысын жеткізді.
– Биылдан бастап ұстаздармен қатар мәдениет, театр саласы қызметкерлерінің жалақысы артады. Мемлекет басшысы Қ.Тоқаев өзінің Қазақстан халқына арнаған Жолдауында үкіметке осындай тапсырма берген еді. Бұл біздің мәдениетімізге деген қамқорлық, сіздердің еңбектеріңіздің еленгені – деді.
Жиын соңында аудандық «Еңбекшіқазақ» газетінің бас редакторы Хайролла Ахметжанов Сауытбек Абдрахмановтың «Егемен Қазақстан» газетінде басшылық қызмет етіп жүрген кезеңінен сыр шертіп, ауданымызға алғаш рет ат басын бұрған әріптесіне алғысын жеткізді.
С.НҰРАДИН
Әнуар Садықұлов жаңа қызметке тағайындалды
Мемлекет басшысының Өкімімен Әнуар Төлеуханұлы Садықұлов Қазақстан Республикасы Ұлттық қауіпсіздік комитеті Төрағасының орынбасары – «А» Арнаулы мақсаттағы қызметінің директоры болып тағайындалды.
Мемлекет басшысының Жарлығымен Әнуар Төлеуханұлы Садықұлов басқа жұмысқа ауысуына байланысты Қазақстан Республикасы Мемлекеттік күзет қызметінің бастығы қызметінен босатылды.
Әнуар Төлеуханұлы Садықұлов 1967 жылы 7 қазанда Алматы қаласында дүниеге келді.
1991 жылы Алматы зооветеринар институтын бітірген.
2000 жылы Абай атындағы Алматы мемлекеттік университетінің заң факультетін үздік тәмамдаған.
1985-1987 жылдары КСРО ҚК қатарында мерзімдік әскери қызметтен өтті.
1992 жылы ҚР Президенті Күзет қызметінің әскери қызметіне алынды. Қызметін ҚР Президенті жеке күзетінің әр түрлі офицерлік және басшылық лауазымдарында өткерген.
2006 жылы ҚР Президенті Күзет қызметі бастығының орынбасары –жеке күзет департаментінің бастығы болып тағайындалды.
2012 жылы ҚР Президенті Күзет қызметі бастығының орынбасары – Президент қауіпсіздігі қызметінің бастығы лауазымына тағайындалған.
2013 жылы ҚР Президенті Күзет қызметінің бастығы болды.
2014 жылы Мемлекет басшысының өкіміне сәйкес ҚР Мемлекеттік күзет қызметінің бастығы болып тағайындалды; Қазақстан Республикасы Ұлттық қауіпсіздік комитеті төрағасының орынбасары – ҚР ҰҚК «А» арнайы қызметінің директоры (2014-2019).
2019 жылдың маусымынан Қазақстан Республикасы Мемлекеттік күзет қызметінің бастығы болды. 2-дәрежелі «Айбын» және «Андропов» ордендерімен, 11 медальмен марапатталған.
Қалмұханбет Қасымов жаңа қызметке тағайындалды
Қалмұханбет Қасымов Қазақстан Республикасы Мемлекеттік күзет қызметінің бастығы болып тағайындалды.
Қалмұханбет Қасымов 1957 жылы 18 мамырда Алматы облысында дүниеге келген.
1979 жылы С.Киров атындағы Қазақ мемлекеттік университетінің заң факультетін бітірген.
Еңбек жолы: 1979-2005 жылдары ішкі істер органдарының жедел-тергеу бөлімшелерінде қызмет атқарған (Алматы қ., Астана қ. және Алматы облысы).
2005-2009 жылдары – Қазақстан Республикасының Ішкі істер вице-министрі, бірінші вице-министрі.
2009-2011 жылдары – Шығыс Қазақстан облысының Ішкі істер департаменті бастығы.
2011-2019 жылдары – Қазақстан Республикасының Ішкі істер министрі.
2019 жылғы 12 ақпанда Мемлекет басшысының Жарлығымен Қазақстан Республикасы Президентінің көмекшісі – Қауіпсіздік Кеңесінің хатшысы болып тағайындалды. «Даңқ» орденінің кавалері. Полиция генерал-полковнигі.
Айта кетейік, Мемлекет басшысының Жарлығымен Қалмұханбет Нұрмұханбетұлы Қасымов Қазақстан Республикасы Президентінің көмекшісі – Қауіпсіздік Кеңесінің Хатшысы қызметінен босатылды.
Сіздегі уайымның деңгейі қандай? ТЕСТ
Уайым, беймазалық – қайғы-қасіретті «шақырушы» сигнал.
Егер шынымен үрей мен қорқыныш туғызатын жайт орын алып, соған бола уайымдасаңыз, ол – бөлек әңгіме. Ал егер жоқтан өзгеге уайымға салынып, қорқыныштың құрсауында жүретін болсаңыз, онда бұл – өте қауіпті.
Мұндай уайым өзіңізді жегідей жеп, дұрыс өмір сүруіңізге, жұмыс істеп, демалуыңызға тек кері әсерін тигізеді. Сондықтан уайымға көп салынбауға, жабырқап емес, жарқырап жүруге тырысыңыз.
Төмендегі тест сіздегі уайымның деңгейін анықтайды.
«Иә» немесе «жоқ» деп жауап беріңіз.
- Еш шаршамай, ұзақ жұмыс істей аламын.
- Орын алған қиындықтарға қарамастан, сөзімде тұрып, уәдемді орындаймын.
- Аяқ-қолым үнемі жылы жүреді.
- Бас ауруы өте сирек мазалайды.
- Мен өз күшіме сенемін.
- Күтудің еш қиындығы жоқ.
- Кейде қолымнан түк келмейтіндей көрінеді.
- Көп жағдайда өзімді өте бақытты сезінемін.
- Бір нәрсеге ұзақ көңіл бөлу маған оңай емес.
- Кішкентай кезімде маған берілген тапсырмаларды тиянақты орындайтынмын.
- Айына, көп болса, бір рет асқазанымдағы ауырлықты сезінемін.
- Мен жиі уайымға салынамын.
- Мен өзгелер сияқты өте күйгелек емеспін.
- Мен тым ұялшақ емеспін.
- Мен үшін өмір арпалысқа толы.
- Кейде өзім де түсінбейтін тақырыпта сөз қозғайтын кездер болады.
- Мен өзгелер сияқты жиі қызармаймын.
- Болмашы затқа өкпелейтін кездерім жиі болады.
- Мен жүрегімнің алқына соққан дүрсілін көп байқамаймын.
- Танитын адамдарымның барлығы бірдей көңілімнен шыға бермейді.
- Егер әлдене мені уайымға салса, ұйықтай алмаймын.
- Әдетте тым салқынқандымын және менің ашуыма тию оңай емес.
- Түнде жиі шошып оянамын.
- Мен бәрін жүрегіме жақын қабылдаймын.
- Уайымдасам, терлеп-тепшіп кетемін.
- Ұйқым тыныш емес, жиі оянамын.
- Ойын ойнағанда жеңілу емес, тек жеңу қажет деп ойлаймын.
- Мен өзгелерге қарағанда тым сезімталмын.
- Кейде ерсі, дөрекі қалжың мені шын күлдіреді.
- Менің де өзгелер сияқты өміріме риза болғым келеді.
- Асқазаным қатты ауырады.
- Мен материалдық жағдайым мен жұмысыма үнемі алаңдап жүремін.
- Маған еш зиянын тигізбейтін болса да, мен кейбір адамдарды жаныма жолатпауға тырысамын.
- Кейде алдымда қолымнан келмейтін іс күтіп тұрғандай көрінеді.
- Мені абдыратып, алаңдатып қою оңай.
- Кейде тау қопарар күш пайда болып, тіпті ұйықтай алмайтын кездерім болады.
- Кейде дау-жанжал мен қиындықтан алыс жүрген абзал.
- Жүрегімді айнытатын жайттар болып тұрады.
- Мен кездесу мен жұмысқа ешқашан кешікпеймін.
- Өзімді ешкімге керексіз сезінетін кездер болып тұрады.
- Кейде ішімдегіні ақтарып, айғайлап алғым келеді.
- Біреуді немесе бір нәрсені уайымдап жүретін кезім көп.
- Болуы ықтимал қиындықтар үшін уайымдаймын.
- Ел алдында екі бетім қызарып кетеді деген қорқыныш жиі мазалайды.
- Жабырқау жүретін кездерім де анда-санда болып тұрады.
- Мен күйгелек, әрі тез оталып кететін адаммын.
- Әлденені жасарда қолымның дірілдеп тұратынын жиі байқаймын.
- Менің қарным үнемі ашып тұрады.
- Менде өзіме деген сенімсіздік басым.
- Мен тіпті салқын күндерде де оңай терлеп кетемін.
- Ешкімге айтуға болмайтын заттар жайында жиі армандаймын.
- Анда-санда құрсағым /іш/живот/ ауырады.
- Қандай да бір тапсырма немесе жұмысты қолға алу, бастау маған қиынға соғады.
- Кей кездері бір орында отыра алмаймын деген уайым қатты мазалайды.
- Маған келген хаттарды оқи салып, бірден жауап беремін.
- Тез ренжіп қаламын.
- Ешқашан бетім қызармайды.
- Таныстарым мен достарыма қарағанда менің уайымым мен қорқынышым әлдеқайда аз.
- Бүгін істеуге болатын істі ертеңгі күнге қалдыратын кездерім болып тұрады.
- Мен әдетте жұмысымды пышақтың жүзінде отырғандай күймен жасаймын.
Инструкция
- Егер 6, 7, 9, 11, 12, 13, 15, 18, 21, 23, 24, 25, 26, 28, 30, 31, 32, 33, 34, 35, 36, 37, 38, 40, 42, 44, 45, 46, 47, 48, 49, 50, 53, 54, 56, 60 сұрақтарға «иә» деп жауап берсеңіз, ал 1, 3, 4, 5, 8, 14, 17, 19, 22, 39, 43, 52, 57, 58 сұрақтарға «жоқ» деп жауап берсеңіз, онда әр жауапқа 1 ұпайдан жинайсыз.
- Егер 2, 10, 55 сұрақтарға «иә», ал 16, 20, 27, 29, 41, 51, 59 сұрақтарға «жоқ» деп жауап берсеңіз, ол жауаптарыңыз өтірік. Осындай өтірік жауап саны 5-тен асса, тест қорытындысы да шынайы болмайды.
- Ұпай санын есептеп, төмендегі қорытындыға көз жүгіртіңіз.
Тест қорытындысы
40-50 ұпай. Сіз – өте уайымшыл адамсыз. Өзіңізді жегідей жемеңіз. Уайым – қайғы-қасіретті «шақырушы» сигнал екенін есте ұстаңыз.
25-40 ұпай. Уайымыңыздың деңгейі – тым жоғары. Шамадан тыс уайымға салыну – өзіңізді құрдымға тастаумен тең. Өйткені уайым көңіл күйіңізді ғана емес, бүкіл өміріңізді өзгертеді. Әрине, жақсы жаққа еместігі түсінікті.
15-25 ұпай. Уайымыңыздың деңгейі – ортадан жоғары. Уайымдаумен ешқандай мәселе шешіле салмайды. Уайым ауруға шалдықтырады.
5-15 ұпай. Уайымыңыздың деңгейі – орташа. Бұл да – қауіпті диагноз. Өмірдің әр сәтіне қуана білуді үйреніңіз.
0-5 ұпай. Сіз айтарлықтай уайымшыл адам емессіз.
ЕСТЕ ҚАЛАР ОҚИҒАЛАР
1992 жылы Швеция Корольдігі Қазақстан Республикасының тәуелсіздігін мойындады.
1993 жылы Қазақстан Республикасының Мемлекеттік шекарасын қорғау саласындағы қоғамдық қатынастарды реттейтін «Қазақстан Республикасының Мемлекеттік шекарасы туралы» Заңы қабылданды.
2006 жылы Қ.И.Сәтпаев (ҚазҰТУ) ғалымдары адам жасушасы мен тініндегі түрлі заттардың құрылымын зерттейтін бірегей аппараттық-бағдарламалық кешен жасады. Автоматтандырылған кешен жылдамдықты бірнеше рет ұлғайтып, медициналық диагностика сапасын жоғары дәрежеге көтереді.
2008 жылы Алматыдағы ҚР Ғылым академиясы ғимаратының алдында ғұлама ғалым, академик Әлкей Марғұлан ескерткішінің ашылу салтанаты болды. Әлкей Марғұлан - біртуар, қайталанбас тұлға. Әсіресе, оның еліміздің тарихына, көне дәуірді зерттеу мен этнографияны дамытуға қосқан үлесі ұшан-теңіз.
2013 жылы Қазақстан Республикасының Швеция Корольдігімен дипломатиялық қатынастарын нығайту мақсатында Мемлекет басшысы «Швеция Корольдігінде Қазақстан Республикасының Елшілігін ашу туралы» Жарлыққа қол қойды.
2013 жылы «Samruk-Green Energy» ЖШС (Самұрық-Энерго» АҚ-ның 100 пайыздық еншілес компаниясы) Желэнергетикасы еуропалық қауымдастығының/European wind energy association (EWEA) мүшелігіне өткен алғашқы қазақстандық компания болды.
2014 жылы немістің Lambert Academic Publishing баспасы Павлодар педагогикалық институтының педагогика кафедрасының аға оқытушысы Бауыржан Нұрымовтың «Оқушылардың эстетикалық құндылықтарының даму ерекшеліктері» кітабы жарыққа шығарды. Кітап ұлттық кітапхананың «Неміс кітап каталогіне» енгізіліп, АҚШ және Еуропа елдерінде тарату құқына ие болды.
2015 жылы Алматы қаласы Ислам білім, ғылым және мәдениет мәселелері ұйымы (ИСЕСКО) аясында ислам мәдениетінің астанасы болды. Ислам мәдениеті астанасының кілтін табыстау салтанаты Қырғызстан астанасы Бішкек қаласында өтті.
2015 жылы Шымкент қаласының 2 200 жылдығын растау үшін ЮНЕСКО-ға өтініш берілді. ЮНЕСКО-ға берілген өтініш - Қазақстан, Франция, Канада, Бельгия, Ұлыбритания, Ресейден келген ғалымдардың, сондай-ақ, ЮНЕСКО өкілдерінің қатысуымен өткен «Шымкент-2200 жылдық тарих» атты халықаралық конференцияның нәтижелері бойынша қол қойылған қарар негізінде жасалған. Егер, Шымкенттің 2 200 жылдығы әлемдік деңгейде мойындалатын болса, онда Шымкент Қазақстанның ең көне қаласына айналмақ.
2016 жылы Қытай бастамасымен Азиядағы экономикалық даму, әлеуетті арттыру және инфрақұрылымды жақсартуға жәрдемдесу мақсатында Азия Инфрақұрылымдық Инвестициялардың Банкі құрылды. Оның жарғылық капиталы 100 миллиард долларды құрайды. Банк мынадай қаржылық қызметтерді ұсынады: кредиттеу, капиталға қатысу, кепілдік ұсыну, техникалық көмек. АИИБ бекіту туралы келісімге 57 мүше-ел қол қойды. Оның ішінде Қазақстан да бар. 13 мамырда Бейжің қаласында АИИБ Басқарушылар кеңесі банктің құрамына 7 жаңа мүшесін қабылдауды мақұлдағанын жария етті. Осылайша АИИБ мүшелер саны 77-ге дейін ұлғайды.
2017 жылы Әбу-Дабидегі Дүниежүзілік «Болашақтың энергиясы» саммитінде (World Future Energy Summit) «Zyed Future Energy Prize» халықаралық сыйлығын салтанатты түрде табыстау рәсімі өтті. Шара барысында Нұрсұлтан Назарбаев пен әмірліктің тақ мұрагері шейх Мұхаммед бен Заид Әл Нахайян сыйлықтарды Аустралия Huanville Highschool) мен Индонезия (Green Bali School) мектеп оқушыларына тапсырды.
2018 жылы РФ Ярослав облысының Вятское елді мекеніндегі мектепте Кеңес Одағының Батыры, мерген Әлия Молдағұловаға арнап ескерткіш тақта орнатылды. Батыр қыз Ленинградтағы балалар үйімен бірге 1942 жылы Вятское селосына эвакуацияланып, жеті ай сонда тұрды, жергілікті мектепте оқыды. 2019 жылы «Жаһандағы заманауи қазақстандық мәдениет» жобасы аясында БҰҰ-ның 6 тіліне аударылған қазіргі қазақ әдебиеті антологиясының алғашқы кітабы басылып шықты. Поэзия және проза жинақтарының таныстырылымына осы жобаға қатысқан Ұлыбритания, Испания, Франция, Ресей, Қытай және Египет аудармашылары мен әдебиетшілері, аударма және баспа ұйымдарының басшылары, шығармалары қазіргі қазақ әдебиеті антологиясына енген авторлар қатысты. Бұл жоба тәуелсіздік жылдарындағы қазақ әдебиеті мен мәдениеті, музыкасы мен бейнелеу өнерін, хореография, кино және театр саласындағы жетістіктерін әлемге танытуды мақсат етеді.
Дереккөз: https://www.inform.kz/
Талдыкорганцы презентовали креативный арт проект к празднованию 1150-летия Аль-Фараби
В начале нынешнего года Президент Республики Казахстан Касым-Жомарт Токаев дал конкретные поручения по празднованию двух значимых юбилеев исторических личностей Аль-Фараби и Абая.
К 1150- летиюАль-Фарабии 175- летию Абая креативная группа Талдыкоргана «TaldyParis»на площадке КГУ «Jetisýmedia» презентовала уникальный проект«JETISÝ ART». Главной целью которого является вовлечение молодежи в историю наших предков и великих ученых Аль-Фараби и Абая.
По словам автора проекта, ЕркегалиИмангали, суть«JETISÝ ART»заключается в создании графических картин, которые содержат изображения выдающейся личности и их высказывание, афоризм.
«После того, как Глава государства объявил о том, что в наступившем году все прогрессивное мировое сообщество будет отмечать 1150-летие гения восточной средневековой мысли- Аль-Фараби, мы тоже решили не остаться в стороне. К тому же, в 2020 году исполняется 175 лет со дня рождения автора Слов назиданий, поэта, просветителя, Абая Кунанбаева. Именно их мы использовали в наших графических изображениях, а также великие слова Аль-Фараби. Планируем распространять созданные нами работына страницах онлайн издательств и интернет-пабликов с широким охватом аудитории, а также посредством городских и областныхбилбордов», - поделился он.
Стоит отметить, что молодые ребята выбрали графическийконтент не случайно.По их словам, оригинальные изображения в материалах притягивают нас куда больше, чем текст, как бы гениально он не был написан.
«Jetisy ART» тарихи-танымдық жобасы таныстырылды
Тарихын танып, тау тұлғаларын ұлықтаған текті елдің ұландары кезекті істі қолдарына алды. Баршамызға белгілі биыл қазақтың ұлы ақыны Абай Құнанбаевтің 175 жылдығы мен әлемнің екінші ұстазы атанған Әл-Фарабидің 1150 жылдығы тойланады.
Атаулы күннің кең көлемде аталып өтуіне Президент Қасым-Жомарт Тоқаев тапсырма берген болатын. Торқалы тойдың әлқисасы ретінде Қасым-Жомарт Кемелұлы «Абай және XXI ғасырдағы Қазақстан» атты танымдық мақала жазып, халық назарына ұсынды. Бұл бастаманың өзі кемеңгер тұлғаның қазақ қоғамындағы алар орнының айшықты екенін көрсетеді. Тек Абай ғана емес, Әл-Фарабидің да ел руханияты үшін қосқан үлесі өлшеусіз.
Қос бірдей «бәйтерек» ағартушылық жолында аянбай тер төккен ғұлама ретінде ел есінде мәңгі қалып, есімдері тарих бетінде алтын әріптермен қашалып жазылғаны сөзсіз. Бір ауыз сөзбен «Ұлттық болмыстың үлгісі» деп айтуға болады.
Олардың өшпес өнегелерін бүгінгі таңда жас буын барынша дәріптеуде. Осыған орай Алматы облыстық ішкі саясат басқармасының қолдауымен «Taldy Paris» шығармашылық тобы «Jetisy ART» тарихи- танымдық жобасын жасаған болатын. Аталмыш, жобаның таныстырылымы «Jetisy Media» ақпараттық алаңында өтті.
Бірегей жобаның авторы Еркеғали Мейрамұлы. Танымдық жобаның мақсаты-халықты ата-бабаларымыздың тарихын және ұлы ғалымдар Әл-Фараби мен Абай еңбектерін білуге тарту.
Жоба авторының айтуынша, аталған жұмысты жасауға 1 ай уақыт қажет болған. Графикалық кескінде тарихи тұлғалардың тұжырымдамасы (афоризмі, дәйексөзі) және оның суреті бейнеленген. Өзгеше идеяға толы жұмысты жұртшылық назарына ұсыну үшін стилистикалық юлистрация қолданылған.
Қазіргі таңада теңдесі жоқ жобаның авторы осындай 20 кескінді дайындған. Алдағы таңда аптасына 2 суреттен әлеуметтік желілерде көркем туындыны жариялап отырмақ. Бұл бастама мұнымен тоқтамақ емес,ендігі кезекте Ұлы жеңістің 75 жылы мен Алтын Орданың 750 жылдығы көпке ұнаған шығармада суреттелетін болады.
«TarihiJol»:Туризмнің заманауи жаңғыруы
Алматы облысында тарихи маңызы бар мекендер мен ескерткіштерді цифрландыру мақсатында жасалған «Tarihi Jol» аттымабильдік қосымшасы «Jetisy Media» ақпараттық алаңында таныстырылды.
Бұған дейін Алматы облысында «Tarihi Jol»-Қазақстан тарихын жандандыру жобасы»тақырыбында презентация ұсынылған болатын. Жоба авторлары бір жыл ішінде облыстағы15 нысанды ұялы телефон қосымшасына енгізген болатын, жыл соңына дейін 25-тен астам нысанды жобаға кіріктіру жоспарланып отыр.
«Бүгінгі таңда біз Алматы, Жамбыл, Шығыс Қазақстан және Қостанай облыстарын өзіміз шығарған жобаға кіргіздік. Еліміз бойынша 135 нысанды қамтып отырмыз. Алматы облысы бойынша атлған қосымшада 15 аймақ көрсетілген»,- деді өз сөзінде «AV-Software»ЖШС директорыАрман Маратұлы.
Бұл өнім елдің туристік секторын үйлестіруге және жақсарту үшін қазақстандық жас мамандардың ойлап тапқан жобасы. «Tarihi Jol»-ды қолданудың бірегейлі- бұл жаңа технологиялардың беталысын біріктіретін және ата-бабаларымыздың тарихын сақтай отырып, адамгершілік құндылықты ұстанатын өзіндік ұғым. «Tarihi Jol» -дың көмегімен туристер еліміздің тарихи және мәдени ескеркіштеріне барудың бағытын көре алады. Қосымшадағы шынайы ақпарат нұсқаулық ретінде қызмет етеді және туристерге орнатылған нысанның тарихи мәні туралы сенімді түрде мағұлмат береді.
Өнім үш маңызды компоненттен тұрады:
1.AR- тарихи кейіпкерлер стилінде кеңейтілген шыңдықты қолдана отырып, ақпаратты қабылдауды жетілдіреді.
2.VR 360 -360 дәрежелі бейнелер, олар виртуалды шыңдықты және Қазақстанның қасиетті жерлерінде «қатысу эффектін» жасайды.
3.Offline режимі- интернетсіз жұмыс режимі, туристерге интернет желісі жоқ жерлерде де «Tarihi Jol»-ды пайлануға мүмкіндік береді.
Болашақта «Tarihi Jol» -дыбүкіл Қазақстан бойынша бірыңғай қосымша ретінде пайдалану жоспарлануда.
Гүлжанат Нұрасыл
Более 25 объектов Жетысу планируют оцифровать до конца года
Ранее в Алматинской области было презентовано мобильное приложение по возрождению Истории Казахстана в дополненной реальности – «Tarihijol». За год разработчиками было оцифровано 15 объектов по области, а до конца нынешнего года планируется довести этот показатель до 30. Об этом на брифинге на площадке КГУ «Jetisýmedia» сообщил коммерческий директор компании ТОО «AV-Software»,АрманЕсенгужинов.
«На сегодняшний день нами было охвачено 135 объектов в 4 областях Казахстана. В Алматинской же области - 15. До конца 2020 года планируем оцифровать более 25 объектовЖетысуского края. В целом, с помощью «Tarihijol» туристы могут прокладывать маршруты к историко-культурным памятникам нашей страны, получать информацию о маршруте, а так же с помощью технологий VR заранее побывать на сакральных местах до поездки. Дополненная реальность выполняет функцию информационного гида, и достоверно информирует туристов об исторической ценности объекта», - поделился он.
По словам спикера, «Tarihijol»является уникальной разработкой в странах СНГ и не имеет аналогов на сегодняшний день. В период цифровизации и в рамках программы «РуханиЖангыру» мобильное приложение будет не только сервисом для туризма, но и пособием для самих жителей о нашей истории.
Необходимо отметить, что мобильное приложение состоит из аудио информации на 5 языках, и дополненной реальности, что позволяет туристам получить информацию в удобной для них интерпретации. Помимо этого, в базу вбиваются места нахождения, маршрут как добраться до этого места. Пользователи могут оставлять комментарий, что поможет отслеживать интересы туристов для дальнейшего развития туристической отрасли в стране.
Напомним, разработка полностью принадлежит казахстанским разработчикам. Продукт состоит из трёх важных компонентов:
- AR – улучшение восприятия информации с помощью дополненной реальности в стиле исторических персонажей.
- VR 360 – видеоролики 360 градусов, которые создадут виртуальную реальность и “Эффект присутствия” на сакральных местах Казахстана.
- Offline режим – режим работы без интернета, позволяет туристам пользоваться приложением даже в местах, где нет покрытия интернета.
Толығырақ ...
Қасым-Жомарт Тоқаев ел жастарына үндеу жолдады
Президенттің кадр резерві жалғасатын болады. Бұл туралы Ақордада Президенттің кадр резервіне енген жастармен кездесуде Мемлекет басшысы Қасым-Жомарт Тоқаев: «Бүгін мен еліміздің барлық жастарына үндеу жолдағым келеді. Жаңғыру процесі менің ішкі саяси бағытымның негізгі басымдықтарының бірі саналады. Кадр резервін жасақтау жұмысы осымен бітіп қалмайды. Ол жалғасатын болады», - деді.
Сонымен қатар «Алдағы кезеңде ХХІ ғасырдың табысты мемлекетін құруға дайын кәсіпкерлерді, ғалымдарды, мәдениет қайраткерлерін, инноваторлар мен өзге де талантты жас адамдарды жан-жақты қолдайтын боламыз. Бізге түрлі салада жауапкершіліктен, стандарттан тыс әрі тиімді шешімдер қабылдаудан қорықпайтын жаңа көзқарасты басқарушылардың командасы қажет. Дәл сондай адамдар еліміз қажет етіп отырған нәтижелерді беруге қабілетті», - деп атап өтті Мемлекет басшысы.
Әмірхан Балқыбектің қойын дәптерінен
Гүл қуанышы мен тас қайғысы
Ерте көктемде енді-енді жіпси бастаған жердің төсін түртіп оятып, әдемі бір гүл өсіп шықты.
– Бұл жерде қандай тамаша! – деді төңірегіне тамсана көз тастаған гүл. – Ауасы қандай тап-таза!
– Миллион жылдан бері осы көрініс, – деді терең күрсінген тас, жылда-жылда қайталана береді. Іш пыстыратыны соншалық, жарылып кете жаздайсың.
Өмірің қызықты болсын десең, дүниеге сәби көзімен қарап үйрен.
***
Саусақ
Сырқат дәрігерге мұңын шағып отыр:
– Шамасы, ұзамай өлетін шығармын... Саусағыммен қай жерімді түртіп қалмайын, сырқырап қоя береді.
Ауруды тексеріп көрген дәрігердің әңгімесі:
– Әрине, солай болады. Өйткені саусағыңыз сынған ғой.
Бар болғаны саусағыңыз сынғанмен, біздің өзімізді өліп қалатындай сезінетін кездеріміз аз емес. Дұрысы сабырдан айырылмаған.
***
Жол беріңіз!
Кезінде газет беттерінде жазылған, өмірде болған оқиға.
Америка Құрама Штаттарының флоты Канада жағалауындағы суларда әскери-теңіз жаттығуларын өткізіп жатқанда, радио торабында мынандай әңгіме болады:
– Соқтығысып қалмас үшін бағытыңызды 15 градус солтүстікке қарай өзгертуіңізді сұраймыз.
– Жоқ, соқтығысып қалмас үшін сіздердің оңтүстікке 15 градус бұрылғандарыңыз жөн болады.
– Керісінше, соқтығысып қалмас үшін сіздер солтүстікке бұрылуға тиіссіздер.
– Бұл – Америка Құрама Штаттары әскери кемесінің капитаны. Тағы да қайталаймын, бағытыңызды өзгертіңіз.
– Ал біз – Канада жағалауындағы шамшырақпыз (маяк). Яғни, бәрібір сіздердің бағыттарыңызды өзгерткендеріңіз дұрыс болмақ.
Кейде шамшыраққа соқтығысып қалмас үшін босқа дауласпаған дұрыс және жіті қимылдаған жөн.
***
Күнәһар
Екі монах ағысы қатты өзеннен өткелі жатады. Бұлардың тізеге дейін түрініп, енді дайындала бергені сол еді, бағанадан бері өзен жағалап жүрген әдемі қыз бұларға жақындайды. Өзеннен өтейін десе қорқып тұрғанын айтып, көмек берулерін өтінеді.
Монахтардың бірі үндемеген қалпы бойжеткенді иығына отырғызады да өзеннің арғы бетіне алып өтеді.
Бұған екінші монах қатты ашуланған. Ештеңе демегенмен іші алай-түлей бұрқасын болып жатыр еді. Олар монастырға жақындағанда, ашулы монах серігіне бұрылып былай дейді:
– Бұлай етуге тыйым салынған. Сенің бұлай әрекет етпеуің керек еді. Мен бұның бәрін монастыр басшылығына айтуға тиіспін.
Бірінші монах таң қала сұрайды:
– Не жайлы айтып тұрсың? Неге тыйым салынған?
– Сен өзеннен әдемі бойжеткенді иығыңа отырғызып алып өткеніңді ұмытып қалдың ба?
Бірінші монах күліп жібереді де, былай деп жауап қатты.
– Мен оны бір-ақ минутта алып өттім. Ал, сен болсаң әлі көтеріп келе жатырсың.
Адам өзгеден алдымен өзінде барды көреді. Сондай-ақ, қазақта «Әркім өз ойынан хабар береді» деген де сөз бар.
***
Патша мен данышпан
Падишах бірде кеңесшісі Бірбалдың қаншалықты данышпан екендігін тексеріп көргісі келеді де, жерге таяқшамен сызық сызады. Сосын не қысқартпай, не өшірмей қысқартуға бұйырады.
Сонда Бірбал падишах сызығының жанына одан да үлкен етіп тағы бір сызық сызыпты.
– Мінеки, әлемнің әміршісі! Енді сіздің сызығыңыз кішірейіп қалды, – депті миығынан күле жымиып.
Өмірде де осылай. Егер мықтының қасына одан да мықты біреу келетін болса, бәрі де өзгеріп шыға келеді. Қазақ мұны «Өзіңнен зор шықса, екі көзің сонда шығар», – дейді.
***
Бәрі өзіңнің қолыңда
Ертеде бір топ шәкірті бар ғұлама өмір сүріпті. Өмір бәсекесіз бола ма, осы шәкірттерінің бірі ұстазы жауап бере алмайтын сауал тауып қоюды армандапты. Сол үшін бірде қырға шығып, көбелек ұстап алады да, оны алақанына жасырған қалпы ұстазының алдына келеді:
- Ұстаз, айтыңызшы: менің қолымдағы тірі көбелек пе, өлі көбелек пе?
Шәкірт ұстаз жауабына орай көбелекті өлтіріп не ұшырып жіберуге даяр еді. Өлі десе ұшырып, тірі десе бір сығып өлтіре салмақ. Әйтеуір, өз айтары ақиқат болып шықса болды...
Шәкіртіне назар да салмаған Ұстаз сонда былай деп жауап беріпті:
- Бәрі сенің қолыңда.
Егер ақиқаттың ақиқат болмағы тек саған байланысты болса, бұл ақиқат емес.
Дереккөз: Abai.kz
ҚР Орталық сайлау комиссиясының жаңа мүшесі тағайындалды
Бүгін ҚР Парламенті Мәжілісінің жалпы отырысында Орталық сайлау комиссиясының жаңа мүшесі бекітілді.
Атап айтқанда, Ерлан Сламханұлы Дауылбаев ҚР ОСК мүшесі қызметіне тағайындалды. «Ерлан Сламханұлы көп жылдар бойы әділет саласында жұмыс істеді. Орталық сайлау комиссиясы жүйесінде де қызме етті. Соңғы уақытта Шымкент қалалық аумақтық сайлау комиссиясының төрағасы болды», - деді Парламент Мәжілісінің төрағасы Нұрлан Нығматулин. Өз кезегінде Мәжілістің Заңнама және сот-құқықтық реформа комитеті төрағасы Нұрлан Әбдіров қызметтерін атқарған кезде Е. Дауылбаев өзінің жоғары біліктілігі бар заңгер ретінде көрсете алғанын атап өтті.
Дереккөз: https://www.inform.kz/kz
Есте қалар оқиғалар
1934 жылы Әл-Фараби атындағы Қазақ Ұлттық университеті ресми түрде ашылды. Профессорлық-оқытушылық құрам туралы және алғашқы 54 студентті физика-математика және биология факультеттеріне қабылдау туралы бұйрықтарға қол қойылды. Қазіргі уақытта ҚазҰУ - елдегі жетекші ЖОО-лардың бірі. Университет 180 сала бойынша мамандар дайындайды.
1938 жылы Атырау (Гурьев), Қызылорда және Павлодар облыстары құрылды. КСРО Жоғарғы Кеңесінің І сессиясы Қазақстанның үш облысын бөлу туралы КСРО Заңын және Бүкілодақтық Коммунистік (большевиктер) Орталық Комитетінің қаулы жобасын бекітті. Шығыс Қазақстан облысынан Павлодар облысы бөлініп шықты, оның құрамына он аудан кірді. Батыс Қазақстаннан Батыс Қазақстан және Атырау, Оңтүстік Қазақстаннан Оңтүстік Қазақстан және Қызылорда облыстары бөлініп шықты.
1992 жылы Қазақстан Республикасының «Қазақстан Республикасының ғылымы және ғылыми-техникалық саясаты туралы» Заңы қабылданды. Құжат республикада ғылымның жалпыадамдық дамудың ерекше маңызды саласы ретінде өмір сүруін, тірек, қолданбалы ғылыми зерттеулердің емін-еркін дамуын, ғылыми қызметкерлерді және ғылыми ұйымдарды қорғауды қамтамасыз ететін негізгі құқықтық, экономикалық және әлеуметтік шарттарды белгілеп берді.
2008 жылы Қазақстан Үкіметінің отырысында жарғылық капиталына мемлекеттің жүз пайыздық қатысуымен академик Өмірзақ Сұлтанғазин атындағы «Ғарыштық зерттеулер және технологиялардың ұлттық орталығы» акционерлік қоғамын құру туралы шешім қабылданды.
2008 жылы Мемлекет басшысының «Бурабай» арнайы экономикалық аймағын құру туралы Жарлығы шықты. Оның мақсаты - Щучье-Бурабай курорттық аймағын дамыту.
2013 жылы «Қазақфильм» АҚ шығарған Әмір Байғазиннің «Үйлесімділік сабақтары» туындысы Халықаралық кино қорының (Berlinale World Cinema Fund) сыйлығына ие болды.
2014 жылы «Kazakhstan Computer Graphics» компаниясы «Қазақстан» корпорациясының тапсырысы бойынша «Шрек» мультфильмі мен «Аватар» фильміне қолданылған технологиямен түсірген «Батырлар» атты 3D анимациялық мультхикаясының тұсаукесері болды. Туындының сюжеті ХVII-XVIII ғасырларды қамтиды. Фильмде жоңғар шапқыншылығы кезінде-ақ найзаның ұшымен, ақ білектің күшімен жауға қарсы шапқан Шапырашты Наурызбай, Қаракерей Қабанбай, Қанжығалы Бөгенбай сынды батырлардың ерліктері баяндалады.
2015 жылы ҚР Президенті жанындағы Қазақстан стратегиялық зерттеулер институтының директоры Ерлан Қарин Халықаралық Түркі академиясының Түркі музейіне 70 жебеден тұратын жеке коллекциясын табыс етті.
2015 жылы Алматыда, Алатау ауданындағы «Көк қайнар» шағынауданында қазба жұмыстары кезінде Алматы тарихы мұражайының экспедициясы алтын жәдігерлерді анықтады. Табылған заттардың бірі ойнап жатқан мысық баласының бейнесі сомдалған алтын мүсін екі пластиннен құралып, бір композицияға біріктірілген. Мүсін біздің жыл санауымызға дейінгі IV ғасырдағы бас киімнің композициясы болуы мүмкін. Қазба кезінде сондай-ақ алтын пластинка табылды. Онда басын солға бұрып тұрған қыран құстың бейнесі зерленген. Ол біздің жыл санауымызға дейінгі IV ғасырда геральдикалық символ ретінде пайдаланылуы мүмкін. №2 қорғаннан сабы бар қорғасыннан құйылған айна табылды. Ернеуі 2 см болатын қорғасын белдеумен қапталған. Диск пен белдеу балқытылып бекітілген. №1 қорғаннан табылған көне жәдігер біздің жыл санауымызға дейінгі ІІ ғасыр - біздің жыл санауымыздың ІІ ғасырында пайдаланымда болуы мүмкін.
2018 жылы ҚР Ұлттық музейінің «Рухани жаңғыру» залы ашылды. Онда археологиялық жәдігерлер, соның ішінде қазақ билері мен батырларының жеке заттары қойылған. Атап айтқанда, Кенесары ханның қылышы, Шоқан Уәлихановтың тапаншасы, Төле би тұрған үйдің маңдайшасы, Бөгенбай батырдың құтысы, Махамбеттің домбырасы, Құнанбайдың бас киімі және т.б.
2018 жылы Қазақ анимациясына 50 жыл толуына орай Қазпошта арнайы пошталық марка, ал Ұлттық Банк номиналы 500 теңгелік «Қарлығаштың құйрығы неге айыр» ескерткіш күміс монетасын айналысқа шығарды.
Дереккөз: https: www.inform.kz
Соңғы жаңалықтар
Еңбегіңді арнай білсең ел үшін, Сол…
Танк жүргізуші ТЕМІРҚҰЛОВ
«АЙБЫН» ордені БАТЫРЛАР есімімен…
«АЙБЫН» ордені БАТЫРЛАР есімімен…
ЖИЗНЬ, ПОСВЯЩЕННАЯ РОДИНЕ
Әскерилер қаржылық сауаттылығын…
Тұрғындар өтініші ескерусіз қалмайды
Бір шаңырақ астында
Келелі кездесу Шелекте
