Республикалық бірыңғай «Жас Ұлан» балалар және жасөспірімдер ұйымы Елбасы Н.Ә.Назарбаевтың бастамасы бойынша құрылған. Бұл ұйым қоғамдық ұйым болып саналады. 

Ұйымның міндеттері – қазақ халқының тілін, мәдениетін, тарихын білу негізінде өскелең жас ұрпақтың бойында рухани-адамгершілікті қалыптастыру, балалар мен жасөспірімдердің азаматтық белсенділігі мен саналығын арттыру, танымдық жұмыстарды ынталандыру, балалар мен жасөспірімдердің зияткерлік, шығармашылық және әлеуметтік дамуы үшін жағдай жасау, жауапкершілік пен еңбексүйгіштікті қалыптастыруға, көшбасшылық және ұйымдастырушылық қабілеттерін дамытуға бағытталған баланың жеке тұлғалық қасиеттерін дамыту.

16-желтоқсан тәуелсіздік мерекесінің қарсаңында 5 «А» сынып оқушыларын салтанатты түрде «Жас Ұлан» сапына қабылдау жүргізілді. Биылғы қалыптасқан жағдайға байланысты бұл іс-шара онлайн жүргізіліп, балалар ант қабылдауды ата-анасының қасында, яғни үйде айтып, бейнежазбасын жіберді. Балаларды адалдыққа, елін сүйетін патриот етіп тәрбиелеуде бұл іс-шараның маңызы зор. «Жас Ұлан» ұйымына кіре отырып, оқушылар адалдықты ту еткен қоғам алдындағы міндетін бұлжытпай орындайтын  ұлтжанды азамат болып қалыптасады деп сенім білдіреміз.

«Төле би орта мектебі» коммуналдық мемлекеттік мекемесінде тәрбиелік іс-шаралар өз деңгейінде ұйымдастырылып, жас ұрпақтың бойына адамгершілік пен ізгілік дәнін себуге баса көңіл бөлінеді. Ұлтын сүйген жас «Жас Ұлан» тобына сәттілік тілейміз. Болашақта елімізді көркейту үшін еңбек ететін құрыштай шыныққан ұрпақ болары анық.

Э.Омарбаева,

«Төле би орта мектебінің 5 «А» сынып жетекшісі

В период дистанционного обучения, как и во всех школах Енбекшиказахского района, в средней школе имени Садыра с.Амангельды  Саймасайского округа с начала учебного года  проводится акция «Мектепке жол». В  ней активное участие принимают не только коллектив школы во главе с директором К.Таировым, но и жители села, которые оказывают   спонсорскую помощь детям из малообеспеченных семей   и  детям с ограниченными возможностями.

Администрация школы  говорит огромное человеческое «СПАСИБО» за ежегодное участие в жизни школы, акции «Мектепке жол» всем неравнодушным землякам. Выражаем сердечную признательность нашим постоянным спонсорам  Алимжану Садыкову, главе  к/х «Садыков», Леме Исаеву, главе КХ «Исаев», Денису Шапошникову, главе КХ «Шапошников», Асимжану Садырову, главе КХ «Садыров», Сергею Шишковскому, главе КХ «Шишковский», Ляйле Айтбакиевой  (ИП «Бакыт»), Абдусаттару Садыкову (ИП«Гульназ»), Шадиевой Макпал, Бахтияру Садирову (ИП«Малика»), Муратжану Зубаршаеву (кафе«Таштыкара»).

Г.САПАРОВА,

заместитель директора

по воспитательной работе

СШ имени Садыра

Бүгінде мектеп табал-дырығын жаңа аттаған бүлдіршіндеріміздің аз ғана уақытта жеткен жетістік-тері бәрімізді тәнті қылды. Бұл сөзіме «Мейірімді періш-те» жекеменшік мектеп-гим-назиясының 1 «А» сынып оқушыларының ІV-Республи-калық  «Самғау»  балалар мен жасөспірімдер байқауын-да  топ жарғаны  дәлел.

Балалар бақ сынаған рес-публикалық додада Аңсар Құдай-берген   «Қол өнер»  номианциясы бойынша бас жүлдені ешіледі. Әсіресе, көркемсөз оқуда гимназия шәкірттері өз дарындарын көрсетті. Айталық, «Көркемсөз» номинациясы бойынша Мұхтар Акбар, Жанерке Жолдыбай, Балнұр Полатбек, Алдияр Сейтжан  сынды бала шәкірттеріміз 1-орындармен марапатталды. Ал аталған  номинация бойынша Томирис Ардаққызы мен Айзере Жонибек 2-орынды   иелесе, Света Оразбай  3-орынды місе тұтты. Сонымен қоса, Айдана  Көптілеу  «Вокал» номианциясы бойынша  3-орынды  еншіледі.

Гимназиямыздың ашыл-ғанына аз ғана уақыт болса да бұл жерде оқып жатқан оқушы-лар да, өз шәкірттерін  білім нәрімен сусындатып отырған ұстаздар қауымының  да еңбек-тері  орасан. Аталмыш байқауға қатысып жүлделі орын алған  оқушыларымды да, ата-аналарымды да шын жүректен құттықтаймын, алар асуларыңыз  биік болсын!

Ақырын жүріп, анық бас

Еңбегің кетпес далаға

Ұстаздық қылған жалықпас

Үйретуден балаға – деп, Абай атамыз айтқандай әр  шәкірттің   жеткен жетістігін көріп, қуанып отыру – ұстаз   еңбегінің жемісі деп білемін.

Әсем Кемел,

«Мейірімді періште» жекеменшік мектеп гимназиясының 

1 «А» сынып жетекшісі

Мемлекеттің жүргізіп отырған саясаты елді бірлік пен берекеге, білім мен биікке бастайды. «Алматы облысы білім беру мекемелер қызметкерлерінің жергілікті кәсіптік одағы» қамқорлық бірлестігінің Еңбекшіқазақ аудандық комитеті филиалының төрағасы тәжірибесі мол білікті де білімді төраға Надырбаев Серік Дүйсебайұлын аудандағы ұстаздар қауымы ерекше сыйлайды, құрметтейді.

Себебі Серік Дүйсебайұлы 8 мыңнан аса білім қызметкерлері бар, облыс деңгейіндегі үлкен ауданда мектеп директоры, аудандық оқу бөлімінде алғашқы әскери дайындық, дене тәрбиесі пәнінің методисі болса, кейінгі алты  жылдан аса төраға қызметін абыроймен атқарып келеді. Аудандағы барлық кәсіподақ мүшелері – ерікті түрде кірген азамат пен азаматшалар. Өйткені кәсіподақ ұйымы ұстаздардың құқықтары мен мүдделерін қорғау барысында аянбай қызмет  етеді. Атқарылған  іс-шараларды сауатты түрде жүргізіп, іскерлік таныту көпшіліктің көңілінен шығуда. Сол себепті аудан ұстаздары кәсіподақты ардақ тұтады, құрметтейді.                    

 Кәсіподақ азаматық қоғамның негізгі тірегі десек, артық айтқандық емес. Білім саласы қызметкерлерінің  құқығын қорғап талай ұстаздың алғысын алып, сенімін  арқалаған кәсіподақ бүкіл әлемді алаңдатқан індеттің кесірінен білім саласы қызметкерлері де қиын кезеңді бастан өткерді. Барлық білім ордалары қашықтықтан оқытуға көшті. Ауданымыздың ұстаздары да бар қажыр-қайратын қашықтықтан оқытуға арнап, оның қыры мен сырын меңгеріп, оқушыларға сапалы білім беруді жалғастырып жатыр. Жастарымыз үшін жасалып жатқан, ұлағатты жұмыс өз нәтижесін берді. Ақпараттандырылған ғасырда дамыған елдер қатарлы озық технологияның үздік жемістерін пайдалану уақыт талабына айналды. Оқытудың бұл жүйесі – сын сағатта халқымыздың ертеңгі сенімін арттырып, дүрбелең кездегі президентіміздің қабылдаған дұрыс шешімі деп білеміз. Бұл жағдайды оқушыларымыз бен ата-аналарымыз да дұрыс қабылдап, заманауи білім алуға жауапкершілікпен, түсіністікпен қарауға күш салды. Аудандық кәсіподақ тарапынан ауданымызда жарияланған төтенше жағдай режимі кезінде кәсіподақ мүшелерінің жалақысы толық көлемде сақталып, құқықтарының қорғалуын қадағалап, қарқынды жұмыстар атқарылды. Төтенше жағдай кезінде филиал почтасы мен әлеуметтік желілер арқылы аудандағы кәсіподақ мүшелеріне  құқықтық кеңестер берілді.  Кейбір мектепке дейінгі ұйымдарында балабақша басшылары қызметкерлерді жалақы сақтайтын ақысыз демалыстарға жіберген. Орын алған жағдай кәсіподақтың ықпал етуімен қызметкерлердің тиісті еңбекақылары төленіп, оңтайлы шешілді.      

Еңбек адам өмірінің ажырамас бір бөлігі болатын болса, сол еселі еңбектің құқығы сақталуы тиіс. Тәуелсіз еліміздің әрбір азаматы еңбек етуге, оқуға, пайдалы іс-әрекет жасауға, денсаулығын жақсартуға құқылы.  Еңбекшіқазақ аудандық кәсіподақтың төрағасы Серік Дүйсебайұлы аудан ұстаздарына қолдау мақсатында үндеу жолдап, аудандағы короновируспен және пневманиямен ауырған 55 білім саласының қызметкерлеріне 1 100 000 тенге ақшалай көмек көрсетсе, 200- ден аса аудандағы ұстаз, балабақша қызметкерлеріне материалдық көмек көрсетті. 164 білім саласының қызметкерлеріне жеңілдікпен демалатын орындарға жолдама  берілді. Аудандағы 127 мекемеде істейтін қызметкерлерден түскен 100 ден астам ауызша арыздар мен өтініштерге заңға сәйкес көмек көрсетілді. 20-дан аса жазбаша өтініштер мен арыздар түсіп, олар  дұрыс шешілді. Салауатты өмір  салтын ұстана отырып, жыл сайын аудан көлемінде ұстаздар, балабақша қызметкерлеріне жыл сайын шаңғы, волейбол, шағын футбол, шахматтан жарыс пен көркемөнерпаздар сайысын өткізіп, білім қызметкерлер қауымының жеңімпаздарына бағалы және ақшалай сыйлықтар тапсырып, алғысқа бөленіп жүрген Серік Дүйсебайұлына, ұйымдастыру жөніндегі маман Алишев Нұрғисаға, бухгалтер  Жумагелдина Толқынға, кассир Далденбаева Гүлнұрға  аудандағы білім қызметкерлері қауымының алғыстан басқа айтары жоқ. Кәсіподақ біздің қамқоршы, сенімді серігіміз деп білемін.

    Әсет Алжанбай,

ардагер ұстаз, «Білім беру ісінің үздігі», «Еңбек үздігі»

Қазақ баласының ғарыш көкті бағындыруы тәуелсіздікпен тұспа-тұс келді. 1991 жылы 2 қазанында Байқоңыр ғарыш айлағынан тұңғыш қазақ ғарышкері Тоқтар Әубәкіров космосқа ұшты. Бұл Қазақстанның, жаңа егемен елдің космосқа тұңғыш сапары еді. Сонан бері тәуелсіздік-пен бірге түлеген азат елдің түлектері зеңгір көкті бағындыруды ұлы мұрат санап келеді.
Жақында Ш. Уәлиханов атындағы орта мектепте қашықтықтан «Ғарышкер болғым келеді» атты семинар өтті. Аталған семинарға 7-9 сынып оқушылары мен мектеп мұғалімдер қатысты. Семинар барысында оқушыларға адамзат баласының ғарышты бағындырған белестері мен еліміздегі ғарыш айлағы және отандық ғарышкерлер жайлы деректі ақпараттар көрсетілді. Сонымен қоса, оқушыларға ғарыш ғылымының кейбір физикалық заңдылықтар түсіндірілді. Семинар соңында оқушылар өз әсерімен бөлісіп, саналарындағы ғарыш көкті көркем суретке сыйғызды.

Б.Керімбек,

Ш.Уәлиханов атындағы орта мектептің физика пәні мұғалімі

жемқорлықты болдырмаудың негізгі бастауы – жастарды бала кезінен тәрбиелеу болып табылады. Жоғарыда аталған мәселелер бойын-ша біздің Ы.Алтынсарин атындағы орта мектеп – мектеп жанындағы интернатымен және Қызылқазақ бастауыш мектебімен коммуналдық мемлекеттік мекемесінде сыбайлас жемқорлыққа қарсы күрес жөніндегі тәрбиелік іс-шаралар жоспары бекітіліп жүйелі түрде жүргізілуде.

Жақында  аудан  әкімдігі мен  ішкі саясат бөлімінің ұйымдастырған  жемқорлыққа қарсы еркін форматтағы «Саналы ұрпақ» эссе байқауында мектебіміздің жас мамандары кітапханашы  Туйтебаева Айгерім І орын, бастауыш сынып мұғалімі Боранбаева Айгерім ІІІ орын иегерлері атанды. Мұнымен айтпағымыз мектеп ұжымы ішінде жемқорлыққа «төзбеушілік» ұғымын қалыптастыру. Мұндай іс-шаралар тек биылғы оқу жылында ғана емес, бірнеше жылдар бойы атқарылып келеді. Әрине, сыбайлас жемқорлыққа қарсы күресті  қалыптастыру жолында мектептің атқаратын рөлі, жауапкершілігі жоғары деп санаймыз. Яғни жас ұрпақтың ауыр жүгін көтеруде біз мұғалімдер аянбай тер төгуіміз қажет.

Лейла ИТЕМИРОВА,

мектеп директорының тәрбие ісі жөніндегі

орынбасары

Тұлғасы білім мен мейірімнен қаланған ұлағат иесі ұстаз болу – асқан жауапкершілік. Себебі, сары ауыз балапандай алдына келген баланың қанатын қатайтып, өмір айдынына бейімдеу – атанға артарлық жүк. Мұны қазіргі карантин жағдайында жақсы біліп отырмыз. Әлбетте, әр істің бір қайыры бар. Осынау ел басына төнген сын сағат бір-біріміздің қадірімізді ұғынуға, еңбегімізді бағалауға мүмкіндік берген сыңайлы. Мектеп – ұстаз – ата-ана... Арасындағы жіпсіз байланыс нәтижесі – тәрбиелі, білімді жас ұрпақ. Осы орайда Б.Майлин атындағы орта мектептің бастауыш сынып мұғалімі Гүлнұр Жұмаханова жайлы әңгіме болмақ.

Әрине, мұғалім көп. Әйткенмен, бала бойындағы қабілетті көре білу, әрбірімен жеке жұмыс жүргізу, тұлғалық қасиетін дамыту екінің бірінің қолынан келмейді. Ақиқатында, біліксіз маман, жауапсыз ата-ана бар, ал жаман оқушы жоқ. Осыны жіті ұғынған Гүлнұр Абдвалиқызы 30 жылға жуық шәкірт тәрбиелеумен айналысуда. Жуырда еңбегі еленіп, аудан әкімінің Құрмет грамотасымен марапатталды. Аудандық «Ұстаздар әулеті» байқауында үздық шығып, облысқа жолдама алды. Әке-шешесі осынау ұлы қызмет жолына ғұмырын арнаған ұстаздар әулетінен шыққан Гүлнұр Абдвалиқызы пайым-парасатымен оқушылары алдында абыройлы.

Бүгінгі жас буын – желкілдеп өскен жас шыбық іспетті. Оны қалай бұрсаң, тамыры солай бекиді. Біздің қуанатымыз – Гүлнұр Жұмаханова секілді білікті ұстаз қолында балапандарымыз тәрбиеленіп жатқандығы. Әрине, осындай ұстаздар саны еселеп өссе деген тілекпен

Б.Майлин атындағы

мектептің 3 «ә» сынып ата-аналары

«Қайырымдылық жасасаң, қайырымын өзің көресің» деген екен дана халқымыз. Қайырымдылық – халқымыздың ең ізгі қасиеттерінің бірі. «Жанашырлыққа жан риза» дегендей балалардың  жанашыр қамқоршысы болып, аялы алақанын тосып, жүрек жылуын ұсыну, сауабы мол іске атсалысу – әрбір адамның азаматтық парызы.

Адам өміріндегі ең игі істердің бірі – мұқтаж жандарға қамқорлық жасау. Адамдар бір-біріне қайырымдылық, мейірімділік таныту арқылы жақсылық жасайды. Қамқорлықты қажет ететін жандарға қол ұшын беру арқылы адам баласы жақсылыққа қадам басады. Қайырымдылық жасауды қаржылай көмек көрсету ғана деп ұқпау керек. Сөзбен де, іспен де, басқа жолдармен де қайырымдылық жасау – борышымыз. Жақсылық жасау қолыңнан келіп тұрса, қуаныш сыйлауға мүмкіндігің жетіп тұрса, неге қол ұшын созбасқа?

Осыған орай, 2020 жылдың 23  қараша күні дәстүрге айналған «Жақсылық жасауға кешікпе!» атты қайырымдылық іс-шарасы өткізілді. Саймасай ауылдық округі  Ветеринарлық пунктінің ұйымы А.Байтұрсынов атындағы орта мектебінің аз қамтылған және толық емес 10 отбасына 60 000 теңгеге азық-түлік себеттерін көмек ретінде ұсынды. Осындай қайырымды іс-шаралар алдағы уақытта да жалғасын  табады.

Жазира Жакелбаева,

А.Байтұрсынов атындағы орта мектептің тәрбие ісі жөніндегі орынбасары

Тәуелсіздік төрімізден орын алған қоғамымыздағы ең басты құндылық – адам бостандығы. «Адамға ең бірінші білім емес, тәрбие берілуі керек, тәрбиесіз берілген білім адамзаттың қасжауы» деген Әбу Насыр Әл-Фараби қай уақытта болсын бала тәрбиесі өте маңызды екенін айтқан. Ал бала тәрбиесінде жеңіске жетудің жолы – еңбекке, әдептілікке, инабаттылыққа, мейірімділікке  үйрету.

Бақытты бала – бақытты отбасы – бақытты ел! Осы орайда «Зорлық-зомбылықсыз балалық шақ» республикалық науқаны барысында Ы.Алтын-сарин атындағы орта мектепте және Қызылқазақ бастауыш мектебінде психолог Б.Кистауова мен әлеуметтік педагог А.Ерлан 10-11 сынып оқушыларымен онлайн форматта «Зорлық-зомбылыққа жол жоқ» тақырыбында конференция өткізді. Зорлық-зомбылықтың алдын алу, зорлық-зомбылыққа жол бермеу, оқушылар арасында заң мен жеке бас құқықтарын түсіндіруді мақсат еткен конференцияда оқушылар өз ойларын еркін айтып, пікірлерімен бөлісті. Мектеп психологі оқушыларға өз құқықтарын қорғау туралы кеңестер берді. Зорлық-зомбылықсыз әлемді  құруға талпынудың маңызы сөз болды.

Б.КИСТАУОВА,

Ы.Алтынсарин атындағы  орта мектеп психологі

Тәуелсіздік, мәңгі жырлар жырым сен,
Көктен шуақ төгетұғын күнім сен.
Қасиетіңе тағыз ете беремін,
Тарихтың парағына үңілсем.

Жаңа ғасыр ұл-қызымыз айбатты,
Ата-бабам болған әркез қайратты,
Тәуелсіздік үшін елім күресіп,
Есіл ерлер оққа басын байлапты.

Тәуелсіздік – көк байрағым, елтаңбам
Әнұранмен қуат алам әр таңнан.
Сені сүйер ұрпақ өсіп келеді,
Араманы асқақ, кеудесінде өр талғам.

Аяулым СОВЕТЖАН
Бөлек батыр атындағы орта мектептің 1 "А" сынып оқушысы