Осы аптада аудан әкімі Әлібек Жақанбаев Қазақстан Жазушылар одағының мүшесі, Қазақстанның құрметті журналисі, ауданның құрметті азаматы Шаяхмет Құсайынұлын туған күнімен құттықтап, сый-сияпатын тарту етті.
Ауданымызда өсіп-өніп, өңірдің тұмса табиғатын, саф ауасы мен қасиетті топырағын жырға қосқан Шаяхмет Құсайынұлы бірнеше кітаптың авторы. Өмірін өлеңмен өрнектеп, соны тақырыптарға қалам тербеген ақын-жазушыға құрмет көрсеткен аудан басшысы шығармашылығына табыс тілеп, ризашылығын білдірді. Шаяхмет Құсайынұлының шығармашылығы қоғамға рухани азық беруде, жастарды тәрбиелеуде атқарар рөлі орасан зор екенін атап өтті. Карантиндік шектеулерге байланысты шағын шығармашылық кеш ұйымдастырылып, қазақы дәстүрмен Ш.Құсайынұлының иығына шапан жауып, ат мінгізді.
С.НҰРАДИН
Сәрсенбі күні аудан әкімі, «Nur Otan» партиясы аудандық филиалының төрағасы Әлібек Жақанбаев тұрғындарды қабылдап, азаматтардың жеке және әлеуметтік мәселелерін тыңдады.
Партия ғимаратында өткен қабылдауға келген Есік қаласының тұрғыны Майра Каракузиева Еңбекшіқазақ ауданаралық көпсалалы ауруханада көз дәрігері болып жұмыс істейді. 2014 жылдан бері үй кезегінде. Аудан басшысының айтуынша, қала тұрғыны бюджеттік ұйым қызметкері санаты бойынша жеке тұрғын үй қорынан жергілікті атқарушы орган жалдаған тұрғын үйге мұқтаж адамдар тізімінде 241-ші болып тұр. Қызметтік пәтерді алу үшін өзі жұмыс істейтін ұйымның тұрғын үй комиссиясына жүгінуге болады. Сондай-ақ былтыр медицина қызметкерлерін тұрғын үймен қамтамасыз етуге жергілікті бюджеттен 112 млн теңгеден астам қаржы бөлініп, Есік қаласы мен Шелек ауылында 15 пәтер сатып алынған.
Аудан орталығының тұрғыны Раушан Төлепова Алматы көшесіндегі аяқсыз қалған тротуар мәселесін көтерді. Былтыр басталған жөндеу жұмыстары соңына дейін жүргізілмей, қала орталығының сәнін кетіріп тұр. Әлібек Әскербекұлы мердігер атанған «Kaz Damu Leaders» ЖШС жөндеу жұмыстарын келісім-шарт негізінде уақытында аяқтамағандықтан, қала әкімдігі сотқа бергенін айтты. Қазіргі уақытта кешеуілдеген жаяу жүргінші жолының мәселесі сотта қаралуда.
Қабылдау барысында жаңашарлық Медетхан Игіліков те жол мәселесі бойынша сауал қойды аудан әкіміне. Айтуынша, Ават – Жаңашар – Космос – Базаркелді тас жолын күрделі жөндеуден өткізу жұмыстары басталып кеткен. Алайда, құрылыс Жаңашар ауылына дейін созылып, жолдың көп бөлігі жасалмаған. «Жөндеу жұмыстары жалғасын таба ма?» деген сауалға Әлібек Жақанбаев жоба 2021-2022 жылдарға жоспарланғанын айтты.
– Облыстық маңызы бар Базаркелді ауылына кіреберіс жолын орташа жөндеу жұмыстары ағымдағы жылдың сәуір айында басталған болатын. Қазіргі таңда 800 метрге асфальт төсеу, жол жиектері мен белгілерді орнату үшін қаражаттың екінші траншы күтілуде. Айта кетерлігі, жоба 2021-2022 жылдарға жоспарланған. Мердігер мекеме «ЖҚБ-13» АҚ тарапынан жөндеу жұмыстарын биыл аяқтау үшін облыстық жолаушылар көлігі және автомобиль жолдары басқармасына ұсыныс берген – деді Әлібек Әскербекұлы.
Тұрғын үй салу үшін жер телімінде кезекте тұрған ақшилік Салтанат Мамесеитоваға аудан басшысы Ақши ауылында 90 гектар жерге инженерлік-коммуникациялық инфрақұрылым жүргізілетінін айтты. Құрылыс жұмыстары аяқталғаннан кейін азаматтар өз кезегімен жер теліміне қол жеткізетін болады.
Есік қаласының төменгі жағы мен Бөлек ауылы тұрғындарының шешілмей жүрген мәселесі – жаз мезгіліндегі ауызсудың тапшылығы. Жұртшылықтың осы проблемасын көтерген Злиха Мустапаеваға аудан орталығы мен жақын орналасқан елді мекендерді сапалы ауызсумен қамтамасыз ету жақын арада аяқталатыны айтылды. Ол үшін Есік топтық су құбырын жүргізуге бюджеттен 4 млрд 200 млн теңге қарастырылып, құрылыс жұмыстары басталып кеткен.
Сардарбек НҰРАДИН
Бір аптада (01.06 – 07.06.2021 аралығында) Еңбекшіқазақ ауданында ПТР сынама арқылы 25 адамнан коронавирус анықталды. Олар:
Шелек – 5
Ащысай – 3
Тауқаратұрық – 3
Бижанов – 2
Бәйтерек – 2
Қайназар – 1
Май – 1
Тескенсу – 1
Бөлек – 1
Түрген – 1
Көктөбе – 1
Масақ – 1
Есік – 1
Бәйдібек би – 1
Жаңашар – 1.
Тіркелген науқастардың әлеуметтік-кәсіби мәртебесі төмендегідей:
12 науқас – жұмыссыз
8 науқас – зейнеткер
3 науқас – түрлі жеке кәсіпорындарда жұмыс істейді
1 науқас – ұйымдаспаған бала
1 науқас – мұғалім.
Мәлімет Еңбекшіқазақ аудандық санитарлық-эпидемиологиялық бақылау басқармасынан алынды.
Алматы облысында соңғы тәулікте коронавирустық инфекция жұқтырудың 40 жағдайы расталды. Олардың 8-і 14 жасқа дейінгі балалар арасында, оқушыларда 4 және студенттердің ішінен 1 жағдай тіркелді. Ал жалпы өткен 14 күнде індетке шалдығушылар саны 946-ға жетті. Бұл туралы «Jetisy Media» алаңында мәлім болды.
Жетісу өлкесінде эпидемиологиялық жағдай жақсарып, жасыл аймақта орналасқанымен, облысқа қарасты кейбір өңірлер әлі де қызыл аймақта тұр. «Балқаш ауданы мен Талдықорған қаласы қызыл аймақта, Кербұлақ, Ескелді, Қаратал және Сарқан аудандары сары аймақта қалған аудандар мен қалалар жасыл аймақта орналасқан», - дейді Алматы облысы санитарлық-эпидемиологиялық бақылау департаменті басшысының орынбасары Асхат Чарапиев.
Бүгінгі таңда, өңірдегі эпидемиологиялық ахуалды оңалту мақсатында, тұрғындардың кеселге шалдығуының алдын алу үшін екпе жұмыстары жалғасын тауып жатыр. Қазіргі кезде облыста 241 683 адам екпенің бірінші бөлігін қабылдаса, 143 741 тұрғын екінші компанентті салдырып үлгерген.
Асхат Сәкенұлының айтуынша, облысқа барлығы 278 720 доза вакцина келіп түскен. Оның ішінде 39 500 Hayat-vax, 235 220 Гам-Ковид-вак және 4000 Qaz-вак. 2 компоненттен 192 270 доза вакцина келген, оның ішінде 39 500 Hayat-vax, Гам-Ковид-вак 148 770 және Qaz-вак 4000 дозаны құрап отыр.
Естеріңізге саламыз, 2021 жылдың 14 сәуірінен бастап "Ashyq" пилоттық жобасы Талдықорған қаласында енгізіліп, 26 сәуірден облыс бойынша жұмыс істей бастады. Бүгінгі күні 582 нысан артықшылықпен қызметін жалғастыруда.
Дәл осы "Ashyq" пилоттық жобасының арқасында Талдықорған қаласында 57 сары және 36 қызыл, Панфилов ауданында 1 қызыл, 3 сары, Ескелді ауданында 1 қызыл, 2 сары, Қарасай ауданында 1 қызыл, 1 сары және Еңбекшіқазақ ауданында 1 сары статусты бар вирус тасымалдаушысы анықтады.
Айта кетейік, карантиндік талаптардың сақталуын бақылау үшін арнайы мониторингтік топ құрылған. Жыл басынан аталған топтармен 17 818 рейд жүргізіліп,102 273 нысан қамтылып, 1025 карантиндік режимді бұзу анықталды.
2021 жылдың 1 қыркүйегі мен 30 қазан аралығында Қазақстан Республикасы халқының Ұлттық санағы өтеді. 2021 жылғы халық санағының басты жаңалығы – заманауи цифрлық технологияларды енгізу және процесті автоматтандыру. Енді Қазақстан тұрғындары туралы деректерді жинау екі жолмен жүргізіледі: онлайн және офлайн форматтарында.
Биыл 1-30 маусым аралығында Ұлттық халық санағының бірінші кезеңі басталды. Бұл кезеңде аудандарға бөлу жұмыстары жүргізіледі, тұрғын үйлерді және тұрғын емес үй-жайларды аралау және тұратын халық санын нақтылау.
Дайындық жұмыстарына облыс бойынша 821 адам жұмылдырылды. Интервьюерлердің өздерімен бірге арнайы куәлігі, халық санағы логотипі белгісімен портфель және планшеттері бар.
Сонымен қатар 2021 жылдың қыркүйек айының 1-інен арнайы мамандырылған sanag.gov.kz. платформасы іске қосылады. Қазан айының 15-іне дейін қазақстандықтар өзі және отбасы мүшелері үшін онлайн форматта сауалнама беттерін толтырып, санаққа өз бетінше осы платформада қатыса алады. Сондай ақ бұл платформаға Egov.kz электрондық Үкімет порталы арқылы кіруге болады.
2021 жылдың 1-30 қазан аралығында дәстүрлі үй-үйді аралау кезінде онлайн форматта санаққа қатыспағандардан ақпарат жинағын алу үшін сұхбаттасушының ЖСН–ін қолданып, интервьюерлер «Ұлттық санақ» Ақпараттық жүйесі қосылған планшеттері арқылы санақ жүргізеді.
Халық санағы кезінде азаматтар төлемақысыз бірыңғай call-центр 1446 және 8 8000 800 878 нөмірі арқылы сұрақтарын қоя алады.
Эпидемиологическая ситуация по коронавирусной инфекции в Алматинской области оценивается как благополучная, с тенденцией к улучшению. Область находится в зеленой зоне. В разрезе Балхашский район и город Талдыкорган находятся в красной зоне. В желтой зоне – Кербулакский, Ескельдинский, Каратальский и Сарканские районы. Остальные районы и города находятся в зеленой зоне. Об этом стало известно в ходе брифинга на информационной площадке Jetisý media.
"Всего с марта 2020 года зарегистрировано 26 547 лабораторно подтвержденных случаев КВИ, из них с симптомами 16 662 случая КВИ.
За последние 14 дней зарегистрировано 964 случаев коронавирусной инфекции. Темп прироста КВИ по области при сравнении за последние 2 недели уменьшился с 0,3% до 0,2%. Но есть районы, показатели которых превышают темп прироста областного показателя.",- сказал заместитель руководителя Департамента санитарно-эпидемиологического контроля Алматинской области Асхат Чарапиев.
По словам спикера, наибольший темп прироста за последнюю неделю отмечается в Балхашском - 0,6% (15сл.), Ескельдинском - 0,3% (15сл.), Жамбыльском - 0,3% (32сл.), Каратальском - 0,3% (17сл.), Талгарском - 0,4% (79 сл.), Сарканском - 0,6% (13сл.) районах.
Так же, на сегодняшний день идет вакцинация среди населения Алматинской области.
Всего в область поступило 1 компонента 278 720 доз вакцины, из них 39 500 Hayat-vax, 235 220 Гам-Ковид-вак и 4000 Qaz-вак. 2 компонента 192 270, из них 39 500 Hayat-vax, Гам-Ковид-вак 148 770 и Qaz-вак 4000.
Первым привито 241 683 человек, вторым 143 741. Среди вакцинированных - государственные служащие – 9761, медицинские работники – 20 410, педагоги – 32 138, СМИ – 109, и лица с хроническими заболеваниями (сахарным диабетом, хронической обструктивной болезнью легких, сердечно-сосудистой системы) – 1357 и население другой сферы деятельности - 143 920.
Во время летней школы в средней школе им. А. Байтұрсынова был проведен "Квест" между 8 "А" и 8"Б" классами.
Квест – это совершенно новая форма обучающих и развлекательных программ, с помощью которой дети полностью погружаются в происходящее, получают заряд положительных эмоций и активно включаются в деятельность, ведь что может быть увлекательнее хорошей игры? Живой квест не только позволяет каждому участнику проявить свои знания, способности, но и способствует развитию коммуникационных взаимодействий между детьми, что стимулирует общение и служит хорошим способом сплотить играющих. Цель игры состоялась в том, чтобы сплотить классы, также., закрепить и повторить пройденный материал и устранить пробелы в знаниях по математике и физике.
М.ЖУМАБЕК, учитель математики;
К.НАСЫРОВА, учитель физики
А.Байтұрсынов атындағы орта мектептегі тарих пәні әдістеме бірлестігінің мұғалімдері «Жазғы мектеп» аясында түрлі іс-шараларды тұрақты өткізіп келеді.
Атап айтсақ, мектепішілік жоспар негізінде 3 маусым күні ҚР мемлекеттік рәміздер күні меркесіне орай «Еліміздің рәміздерін қастерлейік» тақырыбында 6-8 сынып оқушылары арасында дөңгелек үстел өткізілді. Онда тәуелсіздік нышаны – рәміздер жайлы кең ауқымда ақпарат беріліп, балалар өз ойларын ортаға салды. Сондай-ақ Google форматта 5-8 сынып оқушыларымен «Мен мемлекеттік рәміздерді білемін бе?» тақырыбында онлайн тест өткізілді. Тест қорытындысы оқушылардың еліміздің Туы мен Елтаңбасы және Әнұраны жайлы жан-жақты құлағдар екенін көрсетті.
Айгүл НҰРБАЕВА,
әдістеме бірлестігінің жетекшісі
Еңбекшіқазақ ауданы әкімінің аппарат басшысы болып Мақат Темиргалиевич Мемельбеков тағайындалды.
М.Мемельбеков Алматы облысы Еңбекшіқазақ ауданы Қырбалтабай ауылында 1988 ж. 11 ақпанда туған.
2009-2010 жылдары Т.Рысқұлов атындағы Қазақ Экономикалық университетін бітіріп, мемлекеттік және жергілікті басқару; экономика және бизнес мамандықтарын алған.
2011 жылдың маусым айынан Алматы облысы Қарасай ауданының Іргелі ауылдық округінің бас маман-салық инспекторы, 2012 жылғы қазан айынан 2013 ж. 15 қарашаға дейін Қарасай ауданы әкімі аппаратының ұйымдастыру және кадрмен жұмыс бөлімінің бас маманы, жалпы бөлімінің бас маманы, ұйымдастыру бөлімінің бас маманы, ұйымдастыру бөлімінің басшысы қызметтерін атқарған.
2016 жылғы 28 маусымнан Алматы облысының мемлекеттік сатып алу басқармасы жұмыстарды мемлекеттік сатып алу бөлімінің бас маманы, Алматы облысының мемлекеттік сатып алу басқармасы әкімшілік-құқықтық бөлімінің басшысы қызметтерін атқарған.
2018 жылғы 20 қарашадан Алматы әкімінің аппараты ұйымдастыру-инспекторлық жұмыс бөлімі, облыс әкімінің бас инспекторы қызметін, ал 2020 жылғы 14 қыркүйектен 2021 жылғы 7 маусымға дейін Алматы облысы әкімі аппараты сыртқы байланыстар және протокол бөлімінің басшысы қызметін атқарып келген.
Методическое объединение английского языка средней школы имени А.Байтурсынова, в составе руководителя МО Рысбековой К.М и учителей английского языка, Азизовой С.М., Канжигитовой А.М.Абаевой Г.Е., Аманжоловой М.М. в период с 26.05-19.06.2021 в школе организована работа в "Летней школы", где учителя английского языка активно работали по устранению пробелов в знаниях учащихся по английскому языку.
Каждый день проводились уроки в школе. Так же были проведены следующие мероприятия: круглый стол по теме: "Эффективные методы по устранению пробелов в знаниях английского языка у учащихся". Во время уроков в "Летней школе", учителя английского языка использовали методы и приёмы, такие как, ролевые игры и заучивание клеше, что эффективно влияет на развитие устной речи в английском языке.
Карина РЫСБЕКОВА,
учитель английского языка
Бiз мүлде жаңа қоғамда өмiр сүрiп жатырмыз. Жаңа қоғамның сипаты iскерлiк болса, бұл жолда жетiстiктерiмiз де аз емес. Шешiмi күрделi мәселелер де бар. Ол – әлеуметтiк мәселе. Бұл салада қоғам өмiрiнде түбегейлi шешiмi табылмай тұрған мәселе, ол – жемқорлық. Елiмiзде арнайы қабылданған заңдар да, атқарылып жатқан жұмыстар да баршылық, бiрақ жемқорлықпен күрес әлi толық шешiмiн тапқан жоқ.
Сыбайлас жемқорлық әлеуметтік-экономикалық даму, нарықтық экономиканы құру, инвестициялар тарту процесін баяулататын және демократиялық мемлекеттің саяси және қоғамдық институттарына кері әсер ететін, елдің даму болашағына айтарлықтай қауіп төндіретін құбылыс. Президенттің «Жаңа жағдайдағы Қазақстан: Іс-қимыл кезеңі» атты Қазақстан халқына Жолдауында «Сыбайлас жемқорлықпен күрес барынша жүйелі сипат алуда. Жемқорлықтың пайда болу себептеріне көбірек назар аударылып, алдын алу жұмыстары жүргізілу керек» – деп тапсырған болатын. Яғни бұл мемлекеттің осы жағымсыз құбылысты жою бағытындағы кешенді және жүйелі күрес жүргізу саясаты жанданып, әрі қарай жалғасын табады деген сөз.
Сонымен қатар сыбайлас жемқорлықпен пәрменді күресу үшін халықтың құқықтық сауатсыздығын жоятын, құқықты түсіндіру жұмысының деңгейі мен сапасын арттырудың маңызы зор. Халық өздерінің құқықтарын, өздеріне қарсы қандай да бір құқыққа қайшы іс-әрекет жасалған жағдайда қандай іс-қимыл қолдану керектігінің нақты жолдарын толық білулері қажет. Конституциялық тәртіпті қорғау, сыбайлас жемқорлықпен күрес аясында тиімді, бірыңғай жалпы мемлекеттік саясат жүргізу, мемлекет пен азаматтардың өмір сүруінің барлық салаларында сыбайлас жемқорлық пен оның көріністері деңгейін төмендету, қоғамның мемлекетке және оның институттарына сенімін нығайту бүгінгі күндегі басты мақсат болып табылады.
Салтанат НУРБЕКОВА,
Еңбекшіқазақ аудандық қазынашылық басқармасының
бас маман-бас қазынашысы
«Ұстаздық — ұлық емес, ұлы қызмет» – деп Б.Момышұлы айтқандай, мемлекетіміздің өркендеп, өсуіне өз үлестерін қосып жүрген әрбір азаматтың артында тәрбие нәрімен сусындатқан ұлы есім «ұстаз» тұр. Елімізде карантин режимі енгізілгелі бері ұстаздар қауымына да оңай болмады. Әр саланың өз қиындығы болса, ұстаздық солардың ең шарықтау шегі десек, артық айтқандық емес. Осы орайда, жас ұстаздарға қолдау көрсету, олардың еңбектері мен жетістіктерін насихаттау мақсатында аудандық жастар ресурстық орталығының ұйымдастыруымен «Қазақстандық салалық білім және ғылым қызметкерлері кәсіптік одағының Алматы облыстық ұйымы» қоғамдық бірлестігінің Еңбекшіқазақ аудандық филиалының қолдауымен «Жас ұстаз – 2021» атты жас ұстаздар арасында онлайн видео байқауы өтті.
Байқау барысында жас ұлағат иелері өздерінің және оқушыларының жеткен жетістіктері туралы арнайы бейнеролик дайындап, әлеуметтік желіге жариялады. Шараға Есік қаласы мен ауылдық округтерден 20 жас маман қатысып, жүзден жүйрік шыққан ұстаздар марапатталды. Атап айтсақ, жүлделі І орын Бәйтерек ауылдық округінен Фариза Сайрамқожаға бұйырды. Шелектік Балжан Абсаттарова ІІ орынға, саймасайлық Гүлмира Абаева ІІІ орынға жайғасты. Әлеуметтік желіде «Көрермендер көзайымына» айналған Бөлек ауылдық округінің жас ұстазы Құралай Галфайға номинация беріліп, барлық жүлдегерлерге байқау демеушісі тарапынан бағалы сыйлықтар табыс етілді. Марапаттау рәсімін өткізген аудандық жастар ресурстық орталығының жетекшісі Мади Бердібаев жас ұстаздар еңбегіне табыс тіледі.
Айжан ӘБІТ,
жастар ресурстық орталығының маманы.
1977 жылдың күзі. Жоғары партия мектебіне оқуға түсіп, алматыдағы жаңа жағдайға көптен бері қол үзіп кеткен оқу процесіне, қайта басталған «студенттік» тіршілік-тынысқа бой үйрете бастаған кез еді. Сабақ бітіп, түскі астан кейін жатақхана бөлмелерінде бір сәтке тыныштық орнай қалады. Мен де төсекке жантая бергенімде есік қағылып, бөлмеге сұңғақ бойлы аққұбаша жігіт кіріп келді. Амандық-саулықтан кейін-ақ «Әбілбек сенбісің? Оқуға түсуіңмен, бауырым», – деп құшағын жайды. Екеуміз де ежелден таныс жандардай бірден әңгіме-дүкен құрып кеттік.
Бекболат Батталханов та осы жылғы жазда Партия мектебін бітіріп, Талғар аудандық партия комитетіне қызметке орналасыпты. Екеуміздің сөзіміз жарасып, ниет, тілегіміз ұштасып, бауырмал достығымыз тамыр жайып осы күнге дейін жалғасып жатқан жайы бар.
Партия мектебіндегі айналдырған екі жыл көзді ашып жұмғанша өте шықты. Бекболат осы аралықта өзінің араласып-құраласып жүрген ең жақын деген жолдас-жораларының бірсыпырасымен мені таныстырып шықты. Солардың бірі және бірегейі Хамза Сүлейменов – Қапыкең болатын.
Қапыкеңмен де екеуміздің төрт-бес жас айырмашылығымызға қарамай тез тіл табысып, араласып жүре келе жолдас, дос болып кеттік. Ол қатарластарымен бас қоса қалған жерлерде орысша-қазақшасын араластырып әңгімені қыздырып, қой бастаған серкедей жиналғандарды аузына қаратады.
Қапыкең 1979 жылдары Талғар ауданының Тамеровский атындағы алдыңғы қатарлы кеңшарында партком хатшысы, ал мен Нарынқол ауданындағы атағы белгілі Ленин атындағы колхозда партия қызметінде едім. Екеуміз облыстық партия комитетінің пленумдарында, семинарларында кездесіп, жұмыс жайымызды ортаға салып, қарым-қатынасымызды шалғайда жүрсек те үзбедік.
1983 жылдың жазында облыстық партия комитетінің келісімімен Шелек ауданына қызметке ауыстым. Мен еңбек еткен Масақ ауылында Қапыкеңнің нағашысы Ұлы Отан соғысының ардагері, ауылдың құрметті қарияларының бірі Әбдібай Тоқмолдаев тұрады екен. Әбекеңнің үйіндегі той қуанышының бірінде тағы құшақ жая сағынысып кездестік.
Хамза Әрімжанұлы бұл жылдары облысқа танымал, біліктілігі жоғары партком хатшыларының бірі атанған. Олай дейтінім, Қапыкең Қазақстан Компартиясының съезіне делегат болып қатынасып, Орталық Комитеттің Пленум мүшесі болып сайланып үлкен құрметке ие болды. Бұдан соң КПСС Орталық Комитетінің съезіне делегат болып сайланып, беделі өсе түсті. Қарапайым партия хатшысының мұндай жоғарғы дәрежеге жетуі ол заманда сирек кездесетін жағдайды. Қапыкең қызметтік сатылармен биікке көтерілсе де өзінің азаматтық келбетінен, қарапайымдылығынан, достарына деген жүрек жарды ақкөңіл мінезінен айнымады. Жол түсіп Талғарға үйіне бара қалсаң есігі ашық, дастарханы жаюлы, күлімдеп қарсы алған Раушан мен Қапыкеңді көресің. Ол кезде әлі бала Мараты мен Қанатын өбектеп, еркелеткен, раушан гүлдей жайнаған Раушанымен қайраты тасыған Қапыкеңнің ғашық көзімен қараған шатшадыман бақытты отбасының қуанышты тіршілігін көріп риза боласың, сүйсінесің.
Тағдыр бізді бір-бірімізден қол үзбесін деді ме, достығы жараса түссін деп шешті ме өмір жолымызды түйістіре берді. Бұған жаратқан иемізге мың да бір ризамын. Мақтау-мадағымды айтамын.
1986 жылдың Желтоқсан оқиғасының тұсында Х.Сүлейменов Алматы облыстық партия комитетінің қаулысымен Шелек ауданының Асы кеңшарына директор болып тағайындалды. Мен де 1987 жылдың көктемінде аудандық «Еңбек туы» газетіне бас редактор болып бекітілдім. Шаруашылықтың жай-күйімен танысқан Қапыкеңнің кеңшардағы жұмыстың барысына көңілі толмағаны бірден байқалатын. Ашық мінезді, көңіліне келгенін бүкпесіз айта салатын. Оның осынау «орыс» мінезді қалпы біреуге ұнаса, біреуге ұнамай жататын. «Здесь нужно все по новому организовывать», – деп орысшасына, тік мінезіне басып бар жоспарын мамандарының алдына жайып салатын, оның орындалуын қатаң бақылайтын.Оған «балабақша ғимараты бос тұр, соған көшіп келіп үйге ыңғайлап алыңыз», – деп ұсыныс та айтылған. «Жоқ, олай болмайды. Балалардың болашағын ұмытпау керек. Балабақшаны жөндеп үйде отырған әйелдерге жағдай жасап оны халық игілігіне жарату керек қой», – деп ұсынысты қабылдамай тастаған еді. «Маған екі-үш бөлмелі шағын үй де жетеді», – деп шешіп кеңшарда жұмыс істеген жылдары бірінші кезекте жұмысшылардың әл-ауқатын, тұрмыс-жағдайын жақсартуға көңіл бөлді. Мектепті жөндеді, монша, тіпті товарлы сүт фермасына сауна салдырды. Ауылдың су, жылу жүйелерін жаңғырта бастады. Жекешелендіру науқаны бастала бергенде еңбек ұйымдастырудың озық тәсілдеріне жүгініп жұмысты жаңа арнаға бұрды. Соның нәтижесінде шаруашылықтың экономикасы күрт өсті, жұмысшылардың табысы ұлғайды. Сол сияқты кадрларды іріктеп, орналастыруға, әсіресе, өз мамандығын жетік меңгерген білімді жастарды жұмысқа тартып, оларға жетекші салаларды басқаруды сеніп тапсырды. Бұл күндері ауданымыздың басшы қызметтерінде жүрген Алтай, Сәкен және тағы басқа азаматтар Қапыкеңнің тәрбие, өткендер. Мәселен, кеше ғана институттың дипломын қолына алған Алтай сынды бала жасты өз шешімінен қайтпай жоғары лауазымды қызметтерге бірден тағайындауы оның жасқа сенгендігі, әрі батылдығы демеске болмайды. Қапыкеңнің сол жылдары басшылық жүйесінде қалыптасқан шаблонды бұзуы кеңшардың экономикалық жетістіктерін көре алмаған кейбір жандардың кеудесіне қызғаныш отын тұтатты. Түрлі жел сөздерді таратты. Қалыптаса бастаған осындай күрделі ахуалға қарамай Қапыкең де өзі ұстанған жолынан таймай, ақиқаттан айнымай алға жүре берді.
Ауданда жиналыс болады дегенде Қапыкең «үйіңе келемін», – деп алдын ала хабар жіберетін. Шәй ішіп болған соң Аят деген кенже баламды еркелетіп онымен ойнап, көңілін жайландыратын. Одан кейін ойын ортаға салатын. «Жиналыста міндетті түрде мені де орнымнан көтереді, сөз береді. Мына мәселелерді қазақшалап қалай баяндағаным дұрыс болады?». Орыс тілді ортада өсіп сонда қызмет атқарған оған қанша тырысқанымен ана тілінде ойын жеткізу қиынырақ соғатын. «Әр аумақтың, әр ортаның ежелден қалыптасқан өзінің үрдісі, өзінің психологиялық жүйесі болады. Оны бұзамын деп көп адамдардың басы тасқа шағылған. Сен «орысша» мінезіңді сәл қойып өзіңе айтылған сынға шыдамдылық, ұстамдылық танытқаның дұрыс. Олай дегенім бас ие бер деген сөз емес. Заман, уақыт өзгереді, бірте-бірте бәрі орнына келеді. Шаруашылықтағы жұмысыңды дұрыстап жүргізсең сені жау алмайды. Айтылған сынды түзеймін дегін. Әңгіме осымен бітеді», – деп мен де өз пікірімді айтқан боламын. Дипломатияға бағыттаймын. Ол «мақұл» дегендей бас изейді.
Жиналыстарда сөз берген соң мінбеге шыққан Қапыкең анда-санда қолын сілтеп қойып шаруашылықтағы жұмыс барысын білген қазақшасымен баяндап шығады. Өзіне қойылған бір-екі сұрақтан кейін ақ өзінің мінезіне басып «почему у нас так не делается?», – деп аудан басшыларының кейбіреуін сұраққа ала бастайды. Мұндай бетбұрыс кімге ұнай қойсын. Қапыкеңнің ортақ істі жақсарту жөніндегі жүрегінен шыққан ақ тілегі, пікірі өзара түсіністік таппай қайшылыққа ұласып жататын.
Жиналыстан шыққан соң «Қапыке, сөзің басқа жаққа ауып кеттің ғой», – «десек: «Да, ну, ішіме сыймай кетті. Мейлі», – деп қасқайып қайтпайтын.
2021 жылдың қаңтарында егемін елімізде парламент мәжілісінің сайлауы өтті. Жаңа парламент сайланды. Үкімет басшысын бекітуді дауысқа салғанда «Ақжол» және «Халық» партия өкілдері дауыс беруден қалыс қалды. Бұл да демократия көрінісі саяси өміріміздегі бұрын-соңды болмаған оқиға емес пе? Советтік кезеңде қарсы дауыс берудің соңы аянышты жағдаймен бітер еді ғой. Президентіміз Қасым-Жомарт Кемелұлы мұндай дауыс беруді ерекше бір кемшілікке баламады. «Бұл да елімізді нығайту, ортақ істі жақсарту жолындағы жаңа бағыт», – деп тұжырым жасады. Міне, Х.Сүлейменовтың сол кезде шыдамай айтқандары да бүгінгі күннің өлшемімен алсақ, шаруашылықтағы жұмысты жақсарту үшін жүректен шыққан жан айқайы, әрі қалыптаса бастаған жаңа көзқарастың өркені іспеттес деуге келеді.
Мен білетін Қапыкең таныстығымызға, бірге жүргенімізге жарты ғасырға жуықтаса да бәз-баяғы жас кезіндегідей. Тек бұрынғыдай емес арыны сәл басылып, орысшасы бәсеңдеп қазақшаға ден қойған. Мақалдап, мәнерлеп сөз сөйлегенде, әңгіме айтқанда ешкімге дес бермейді. Зейнеткерлікке жетіп сексеннің биігінен шықса да жүрісі ширақ, бойын тік ұстайды, ойы анық. Мен Қапыкеңді «нағыз білгір құрылысшы», – деп айтатынмын. Танысқалы бері қашан көрсең де бір сәтте қол қусырып жайбарақат қарап отырғанын көрген емеспін. Талғардағы Гагарин көшесіндегі әкеден мұра болып қалған үйін жылма-жыл әр жерін әрлеп, жаңартып жөндеп жатады. Үй айналасы бау-бақша, бәрі ретті, айнала көздің жауын алады. Жаңа қонысқа көшкелі бері де жұмысы екі есе көбейгендей. Мұнда да құрылыс жұмысы жыл он екі ай қызып жатыр. Келсең болды «Жүр, не салып, не жасап жатқанымды көрсетейін», – деп үй-жайына экскурсия жасатып аралатады. Көріп, қуанамын.
Бұл күндері Сүлейменовтердің отбасы өсіп, өнген, бақытты, шаттықты отбасының бірі. Әркез жұмыс-жұмыс деп тыным таппайтын, демалыс көрмейтін, жас балаша күтімге үйренген Қапыкеңнің көңілін тауып, дегенін жасап жүрген оның сүйікті жары Раушанның еңбегі ұшан-теңіз. Балаға ана тәрбиесі деген ерекше ғой, орны бөлек. Екеуі де ұл, қыздарына жақсы тағылым беріп, білім алуына, қоғамымыздың белсенді азаматтары болып қалыптасуына бар жағдайын жасай білді, жол көрсетті. Бүгін Қанат пен Маратынан, Адила қызынан немере сүйіп оларды аялап өсіріп отырған қадірлі ата мен әжеге айналды. Әке көрген оқ жонар, шеше көрген тон пішер демекші, олардың өнегелі ұл мен ибалы қыз болып өскені бабаларымыздың осылай деп тектен тек айтпағанына анық дәлел.
Қапыкеңнің өзі де, бірге жүрген үзеңгілес азаматтары да арада қанша жыл өтсе де бір-бірінен қол үзбей достық, бауырмалдық, сыйластық туын жоғары көтеріп келеді. Бекболат, Сәкен, Сағатбек, Чапай және тағы басқалары – барлығы бас қосы қалса бірін-бірі жылдап көрмегендей сағынысып қауышып жатқаны. Әзіл қалжыңдары жарасып, үйді думанға толтырып, орталарына нұр-шуақ шашады. Әндерін шырқап, махаббат қызық мол болған өткен жылдарды еске алып, болашаққа көз тастайды. Жандарында отырған айдай көркем жарларына арқа сүйеп, жұмсақ қолдарын сыйпап, бір-біріне деген жүректерінің дүрсілін сездіріп, айнымас сезімдерін жеткізіп отырады.
Шынайы достық дегенді қадірлей білген, ыстықта да, суықта да бір-бірінің қастарынан табылған, қиыншылықтарын бірге арқалап, қуаныштарын бірге бөліскен ертұлғалы жандардың өмір жолынан жастардың алар өнегесі көп ақ дер едім.
Талғар – жер жәннаты Жетісудың қазыналы, шұрайлы, шырайлы керемет бір аумағы. Қазақ елінің бұрыңғы мол тарихын қойнауына жасырып жатқан қасиетті өлке. Заңғар Алатаудың етегін көздің жауын алатын жасыл-көк шыршалар, аққайың, терек, тау, сан түрлі басқа ағаштар мен өсімдіктер әлемі көмкеріп, қалы кілемдей жайнатып жіберген. Қар басқан Алатаудың аспанмен ұштасқан найза шыңдары мен мұндалап қол бұлғағандай болады. Қапыкең болса немерелерін жірдек көлігіне отырғызып алып, туған жерінің осынау сұлу, көркем табиғатының аясына барып тыныс алуға, оны тамашалуға бет алып бара жатыр. Өмірінің жалғасы, отбасының қуанышы немерелерінің өсіп келе жатқанына көңілі толып барлық ауыртпалықтарды ұмытқандай болады. Шашын қырау шала бастаса да кәрілікке бой алдырмаған, жаны да, тәні де әлі жас қалпында. Бір шөкім бұлт жоқ көгілдір зеңгірде қалықтаған қырандай алға самғап келеді. Немерелерінің дабырын, риясыз бал күлкісін естіген сайын жаны жай табады, ерекше ыстық сезімге бөленеді. Алатаудың маңғаз биіктеріндей, бел-белестеріндей сабырлықалыпқа түсіп көңілі қуанышқа толып жүзі нұрлана түседі.
Тау жолы бұралаң, Маралды сайға жетуге де тақау қалыпты. Осы қалпыңнан таймай отбасыңмен, немерелеріңмен бірге қол ұстасып қырандай самғап, лайым биікке өрлей бер, досым Қапыке!
Әбілбек АЙТАҚЫНОВ,
Райымбек және Еңбекшіқазақ
ауданының Құрметті азаматы
Құрметті аудан тұрғындары!
2021 жылдың 1 маусымынан халық санағының І кезеңі бастау алғаны бәрімізге мәлім. Осыған байланысты, жалпы аралау барысында Сіздерге қойылатын сұрақтардың анықтығын білу үшін, тіркеушілер куәлігі, олардың әдеп нормаларын ұстануы және бақса да туындаған мәселелер мен сұрақтар бойынша біздің аудандағы халық санағын жүргізуге жауапты аудандық статистика басқармасына жүгіне аласыздар!
Уважаемые жители района!!
Вам известно, что с 1 июня 2021 года стартовал І этап переписи населения. В связи с этим, по уточнению вопросов, которые будут задаваться Вам при общем обходе, по удостоверениям регистраторов, их соблюдения норм этики, а также по другим ситуациям и вопросам, возникших в ходе переписи населения можете обращаться в районное управление статистики, ответственного за проведение переписи населения в нашем районе!
@enbekshikazakh_audan_akimdigi
@enbekshiqazaq_statistika