До внедрения оптоволоконной связи телекоммуникационная сеть работала  по радиорелейным линиям  с ограниченной скоростью передачи данных.

Сегодня сигнал подается во все государственные учреждения и бюджетные организации района, а жители сел отмечают улучшение качества интернета.

В рамках реализации государственной программы «Цифровой Казахстан» к интернету по оптоволоконным линиям подключены 49 объектов здравоохранения и образования, государственные организации  в 24 населенных пунктах Енбекшиказахского района.

В селах Тургень, Байтерек, Корам, Ават, Шелек, Байсеит, Бижанова, Кызылшарык, а также в г. Есике   расширена  портовая емкость оборудования DSLAM. В настоящее время жителям данных регионов предоставлен  доступ к  широкополосному интернету.

В селе Кырбалтабай  доступ в интернет   получили 60 домов. В селе Байтерек  произведено расширение линейно-кабельного хозяйства по улицам Победа, Школьная, Болашак. В Саймасайском сельском округе, благодаря подключению оптоволоконных линий, предоставляемые в онлайн-режиме государственные услуги оказываются в кратчайшие сроки. «Это положительно влияет на развитие экономики и улучшение жизни населения», – отметила  заместитель акима Саймасайского  округа Динара Тулебаева.

И.ВИКТОРОВ

Қазақта «Бір қозы туса, бір түп жусан артық шығады», − деген сөз бар. Мұнда бұйырылған несібенің болатындығы, тіршілік иесінің біріне бірі ешқандай масыл еместігі жайында айтылып тұр. Ал, Ислам тұрғысынан қарасақ, Пайғамбар Мұхаммед (с.ғ.с.) үмбеттеріне: «Неке қидырып үйленіңдер, перзентті болып көбейіңдер. Әрине, мен сендердің көптіктеріңді қиямет күні басқа үмбеттердің алдында мақтаныш етемін», – дегені белгілі. Ендеше, құп көрілген отбасын құру, үлкен жанұяға айналу осы күнгі қоғамда қаншалықты өзекті болып отыр?

Еңбекшіқазақ ауданына қарасты Асысаға ауылының тұрғындары Самат пен Күлбүбі – 9 перзенттің ата-анасы. 4 қыз, 5 ұл тәрбиелеп отыр. «Балалы үй – базар» демекші, сәбидің қызығы өз алдына, бұл жанұяның мемлекеттің демографиялық жағдайына қосқан үлесі орасан. Халық саны – кез келген елдің дамуының аса маңызды факторы.

Байқағанымыз, жан басына орай әулеттің дәулеті де келісе кетіпті. Әкелері Самат Отарбаев тұрақты жұмыссыз болғанымен, мал өсіріп, соны табыс көзіне айналдырып отыр. «Менің берекем – балаларым. Ер азамат ретінде құрған шаңырағыма ие болуым міндет. Бұйыртып, өмірге келген әр перзентімнің өз ризығы болатынын түсіндім. Оны маған өмір талай рет дәлелдеп берді», − деді көпбалалы әке Самат Отарбаев.

Қаймана қазақтың басынан талай тарихи кезеңдерді өткергені, оның салқыны әлі күнге сезілетіні рас. Кеңестік идеология, егемен ел болудың алғашқы мерзімдеріндегі жағдай сәби үнін біршама азайтты. Әйтпесе, қазақ есіктен кіріп келе жатқан баласы табалдырықтан сүрінсе де «ырыс-несібе келе жатыр» деп ырымдаған халық. Жас нәрестені періштеге теңеп, есейгенше үкілеп өсіруді әке-шеше өздеріне парыз еткен. Негізінде, қазіргі нарықтық заманда бір баланы жетектеп, кәмелетіне жеткізіп, қатарға қосу үшін шығын аз кетпейді. Көйлек-көншегін, ас-ауқатын былай қойғанда ортасы мен барар мектеп, жоғары оқу орындарының талабына сай болуы үшін қалтаңызды біраз жұқартады. «Ұлды ұяға, қызды қияға қондыруы» тағы бар. Алайда, бір емес, көп баланы бағып-қағып, тұрмыс-тіршілігі құрақтай жарасымды болып отырған осы отбасыға қарап, жаңағының барлығы сылтау ғана ма деген ойға қаласың.

Ұл-қызының қай-қайсымен де әкесі Самат, анасы Күлбүбі де мақтана алады. Перзенттері де алған тәлім-тәрбиелерін ақтап, алғысын жаудырып отыр. «Осындай жанұяның перзенті болғаныма қуанамын. Ата-анам бар мейіріммен өсірді. Бауырлар бір-бірімізге демеуміз. Қазір шаңырақта ата-анамды қосқанда 11 жанбыз», − дейді Динара Саматқызы. Динара үйдің тұңғышы, жасы 20-да. Алматы мемлекеттік бизнес колледжін тәмамдап, қазір мамандығына сай қызмет етуде. Өзінен кейін Мейрамбек, Ақерке, Дінмұхамед, Нұрбек, Арнұр, Қымбат, Айсұлтан, Жарқынай есімді іні-сіңлілері бар. Тоғыз құрсақ көтерген аналары  Күлбүбі Тынаева да үй шаруасындағы келіншек. Отбасының ұйытқысы болып, бала-шағаның әрбіріне жіті көңіл бөліп, тәрбие беріп отыр. Ұрпақтарының алды еңбек адамы болса, кейінгілерінен Мейрамбек пен Ақерке студент. Күні ертең қоғамда өзінің орнын қалыптастырып, маман иесі атанғалы отыр. Мектеп қабырғасында білім алып, әке-шешеге қолғанат болуға жарап отырғандары да бар. Дінмұхамед, Нұрбек, Арнұр, Қымбат, Айсұлтан әзірге партадағы оқушылар. Дегенмен, «Болар бала бесігінен бұлқынадының» жөні келіп, Дінмұхамед, Нұрбек, Арнұр есімді ұлдары шабандоз болып шықты. Жүлделі орындарға ие болып, көбіне бәйгелерден олжалы оралады екен. Ал, Жарқынай есімді қыздары биыл ғана дүние есігін ашып, отбасы мүшесі атанған. Ата-ана 1 айлық кенжелерінің қылығына тоймай, әрі болашағын ойлап толғанып жүр. Ұлы ақын Абайдың «Адамның бір қызығы бала деген» деуінің мәнісі осы шығар...

Міне, осындай мерейлі отбасыны мысалға алып отырмыз. «Үйлену – оңай, үй болу – қиын» екені баршамызға ақиқат. Алайда, ол ойлы-қырлы жолдың өзі өмірдегі ең аяулы, қымбат дүние – отбасына бастап баратын болғаннан соң, жүріп өтуге тұрарлық. Отбасының негізін махаббат, шын ықылас сияқты кіршіксіз сезімдер құрайтынымен қастерлі болар. Өз үйің әрқашан жылы, жаныңа жақын тартып тұрады.

Ғылым тілімен айтылып жүрген «Отбасы институтын» қазақ ежелден «Тәрбие – тал бесіктен құралады» деп ұғынып, ұрпағына сіңіре білген. Қазақ дәстүрі отбасының әр мүшесіне өзіндік құрмет көрсетеді. Ақсақал, ана, келін, ұл, қыз, жезде, қайын т.б отбасы мүшелерінің орны бөлек болып есептеледі. Бұхар жыраудың «Жақыныңды жаттай сыйла, жат жанынан түңілсін» дегені, құрметтеп, олармен қарым-қатынаста мұқият бол деуі болар. Демек, ең асыл қазынамызды көзіміздің қарашығындай сақтап, ынтымағын арттыруға әрекет жасайық!

Ілия Сұлтан

АХАТ бөлімі арқылы алынатын негізгі куәліктердің қайталама баламасын немесе құжат туралы анықтамаларды электронды форматта алу жолы қандай? Алдымен:
-Egov.kz (http://%F0%9F%93%8CEgov.kz) порталына кіріңіз;
-Іздеу жолында «Азаматтық хал актілерін тіркеу туралы қайталама куәліктер немесе анықтамалар беру» деген қызмет атауын теріңіз;
-Қызмет парақшасынан онлайн алуға болатын куәліктер тізімінен қажеттісін таңдаңыз;
-Куәлік атауын басу арқылы қызмет алу парақшасына өтіңіз;
-Портал талап еткен барлық мәліметтерді толтыру арқылы қызметке онлайн тапсырыс беріңіз;

-Қандай куәліктердің қайталама баламасын немесе анықтамасын онлайн алуға болады?
✅Некеге тұру туралы куәліктің;
✅Некені бұзу туралы куәліктің;
✅Туу туралы куәліктің;
✅Атын, тегін, әкесінің атын өзгерту туралы куәліктің;
✅Әкелік құқықты бекіту туралы куәліктің;
✅Ұлды/қызды асырап алу туралы куәліктің:

?Қызмет көрсету құны:
✅Қайталама куәліктер үшін – 1 АЕК
✅Анықтама үшін – 0,3 АЕК

*******

Люди часто теряют такие документы, как свидетельство о заключении брака или его расторжении, свидетельство о рождении или об изменении ФИО и не знают процедуру их восстановления.

Друзья! Сегодня в рубрике #втеме мы расскажем о выдаче повторных свидетельств или справок о регистрации актов гражданского состояния. Итак, необходимо:
-Авторизоваться на портале Egov.kz;
-Найти через поисковик услугу «Выдача повторных свидетельств или справок о регистрации актов гражданского состояния»;
-На странице услуги вы найдете список документов, которые доступны для восстановления в режиме онлайн, выберите нужную вам госуслугу;
-Запросите услугу онлайн;
-Заполните полностью запрашиваемую информацию портала.

?В электронном формате доступны следующие услуги:
✅Подача заявки на повторное свидетельство о заключении брака;
✅Подача заявки на повторное свидетельство о расторжении брака;
✅Подача заявки на повторное свидетельство о рождении;
✅Подача заявки на повторное свидетельство о перемене имени, фамилии, отчества;
✅Подача заявки на повторное свидетельство об установлении отцовства;
✅Подача заявки на повторное свидетельство об усыновлении/ удочерении.

?Стоимость услуги:
✅За повторные свидетельства - 1 МРП
✅За справки – 0,3 МРП

Осыдан мың жыл ілгері ұлы  ғұлама  Әбу Насыр Әл-Фараби бабамыз «Қайырымды қала тұрғындарының көзқарастары туралы трактат» атты іргелі еңбек жазыпты. Зерттеушілер аталған  еңбекте идеал өмірдің іргетасы қаланып, кемел қоғамның кескіні  бейнеленген деседі. Демек, мың жыл бұрын, тіпті онан әрі де біздің топырақта ізгіліктің ілімі тамыр тартыпты. Небір алмағайып заманда халқымыз зұлымдыққа қайырымдылығын қалқан етіп, қамал бермепті. Жетіміміздің жерге, жесіріміздің елге қарамағандығы да содан болар? Биылғы қиын-қыстау күндерде бабаларымыздың сол шыңға біткен шынар рухы көкірегімізден қайта көктегендей күй кештік. Бұл үшін «етігімен су кешкен» еріктілерге  мың алғыс.

Қазір әлемде еріктілердің саны 1 миллиардқа жуықтайды. Бүгінде олар әлемдік қозғалысқа ықпал ететін ең  белсенді топқа айналған. Соңғы кездері қазақ елінде де еріктілердің қатары көбейді. Сөйтіп, 2019 жылы мамырдың соңында Мемлекет басшысы Қасым-Жомарт Тоқаев 2020 жылды «Еріктілер жылы» деп жариялады. Алайда, ол кез жұрт жамырай той тойлаған жаймашуақ  шақ еді. Айтып-айтпай не керек, 2020 жылы жұмыр жерге жұқпалы індет тарап, адамзат баласын алаңға салды. Небір алпауыт, технологиясы тегеурінді елдердің өзі коронавирус дертін ауыздықтауға айла таппай сансырады. Төрткүл дүниенің түн ұйқысын төрт бөлген індет қазақ елін де шарпыды. Әрине, мемлекет тарапынан тиісті шаралар дер кезінде қолға алынды. Алайда, екпіні қатты ауруға ел болып күресу қажет болды. Міне, осы тұста тарыққан-ның өзегін жалғап, талыққанды қолтығынан демеген еріктілер атқа қонды. Олар қалтыраған жандарға шуақ, өшкен сенімдерге шырақ сыйлады.

Ел алақауына айналған еріктілердің ерлігі Еңбекшіқазақ ауданында да жалғасын тапты. Аудандық жастар ресурстық орталығының мәліметінше, қазіргі таңда аудан бойынша тіркелген жеті еріктілер ұйымында 693 ерікті  бар. Олар аудан тұрғындарымен тығыз байланыс орнатып, жүйелі жұмыс істеп келеді. Елдегі төтенше жағдай уақытында еріктілер кәсіпкер азаматтардың көмегімен аудан көлемінде 838 отбасына 14 000 000 теңгеден астам соммаға қажетті азық-түлік, бетперде, медициналық бұйымдар жеткізіпті. Аудандық жастар ресурстық орталығының мамандары  еріктілермен бірлесіп, әлеуметтік желі арқылы тұрғындармен байланыса отырып, мұқтаж жандарға көмек қолын созғандарын айтады. «Жақсының жақсылығын айт, нұры тасысын!» демекші, Еріктілердің ерлігі елеусіз қалмапты. «Biz Birgemiz» республикалық акциясы шеңберінде мұқтаж жандарға белсенді көмек көрсеткендер Тұңғыш Президент Нұрсұлтан Назарбаевтың қолы қойылған Алғыс хаттармен марапатталған.

Осы ретте, аудандық жастар ресурстық орталығының жетекшісі Айбек Ілебаев: «Төтенше жағдайдан кейін де еріктілеріміз өз жұмыстарын тоқтатпай аудандық ауруханаға оттегі концентраттарына қажетті қаражат жинау мақсатында қор ашқан. Нәтижесінде 1 млн теңгеге жуық қаражат жинап, 6 оттегі концентратын аудандық ауруханаға табыстады. Сонымен қатар аурухана маңындағы кезекте арақашықтық сақтау, келген кісілерге жол көрсету, ем қабылдап жатқандарға қажетті заттарды жеткізу сынды жұмыстар атқарды. Бүгінгі таңда аудан еріктілері арнайы базаға енгізілген. Қазір олар аптасына тұрақты түрде 5 отбасын айлық азық-түлігімен қамтамасыз етеді. Жақында «Мектепке жол» акциясы аясында бірқатар отбасылар арнайы смартфон және оқуға қажетті құралдармен қамтамасыз етілді. Еліміздің ертеңі үшін аянбай еңбек етіп жүрген еріктілерге қандай мақтау айтсақ та жарасады» – дейді.

Ерікті болып еліне қызмет еткендердің жүрегінде Отанына деген оттан ыстық махаббаты, туған жеріне деген риясыз сүйіспеншілігі тулап жатса керек. «Иманды жастар» еріктілер тобының жетекшісі Қанат Теңгелбайұлының айтуынша, оның бала күнгі арманы Есіктей шағын қаласын көркейтіп, халқының алғысын алу болыпты. Осы арманның жетегіндегі жігіт студенттік шағында өзінің  көптен бергі ойға алып жүрген мақсатына тәуекел етіп, туып өскен қаласының ұл-қыздарын біріктіріп, «Иманды жастар» атты еріктілер тобын құрыпты. Бүгінде ол топтың 100-ге жуық  мүшесі бар көрінеді. Қанат Теңгелбайұлының сөзінше, «Иманды жастар» еріктілер тобы төтенше жағдай кезінде Еңбекшіқазақ ауданы бойынша жалпы саны 838 мұқтаж отбасыларды азық-түлікпен қамтамасыз етіпті. Шілде айында еріктілер «ИВЛ» аппаратына 2 күнде 800 000 теңге жинаған. Нәтижесінде Еңбекшіқазақ аудандық ауруханасына шетелден арнайы тапсырыспен алынған тыныс алу аппаратын табыстаған. Сондай-ақ қор ашылған күннен бастап, бүгінге дейін, ай сайын 1 рет қор атынан  мұқтаж отбасыға тұрақты түрде көмек  көрсетіп келеді екен. Сонымен қатар, еріктілер арасында түрлі қоғамдық шаралар, спорттық жарыстар ұйымдастырылады. Бүгінде қор Еңбекшіқазақ аудан әкімдігімен тығыз байланыс орнатып, жұмыс жасап келеді. Осы ретте, Қанат Теңгелбайұлы: «Иманды жастар» қорын ашқанда 1,5 жыл ішінде дәл осындай деңгейде шаралар өткіземіз деп ойламадым. Бірақ еріктілер мен демеушілердің арқасында жақсы жұмыс жасалып, жоспарымыз артығымен жүзеге асты. Шара өткізу барысында түрлі кертартпа әрекеттер мен керағар пікірлер де кездесті. Дегенмен, өзгенің ойының жетегінде кетпей, ниет барда, қолдан келмейтін істің жоқ екенін ұғынып, жұмысымды жалғастыра бердім. «Елім маған не береді деп емес, мен еліме не бере аламын» – деген сөзді  ұстанған сәттен бастап, тек халықтың игілігі үшін жұмыс жасауға ниет еттім. Бүгінде халықтың ақ батасымен, жұмысымыз оң нәтижесін беруде» – дейді.

Адамдар жылы жүзбен күлімсірей қарағанда, аялы алақандар маңдайынан сипағанда өмірдің шапағатын сезіндіреді. Еріктілер алтыннан кымбат бір жұтым ауаға зар болған қанша науқасқа өмір сыйлағаны, қанша жанның дертіне ем, әлсіреген қуатына дем бергені шындық. Сол зәруіне дәруін тапқан жандардың жүрегінде де бір тілсіз сезім тулап жатқандай. Қарапайым ауыл тұрғыны Іләш Тұрарова, өзінің жалғызбасты ана екендігін, биылғы төтенше жағдайда еріктілердің көп көмек көрсеткендігін айтты. Оның сөзінше, еріктілер ай сайын үйіне азық-түлік жеткізген. Жақында жаңа оқу маусымы басталар алдында жазғызбасты ананың балаларына оқу құралдарын сыйға тартқан.

– Еріктілердің еңбегі ерен, оларға «Еңбекшіқазақ» газеті арқылы шексіз алғыс айтқым келеді, – дейді І.Тұрарова.

Уақыт тозаңы көміп кете алмайтын атымтай жомарттық пен қайырымдылықтың жыр дастаны ел көгінде қалықтап келеді әрі қалықтайды да. Біз аңсаған мәңгілік ел іргетасының бірі осы қайырымдылықтан қаланса керек.

                        Ерзат АСЫЛ